Qyrǵyzstannyń memlekettik ulttyq qaýipsizdik komıteti (UQK) birqatar Facebook qoldanýshylardyń is-áreketteri ultarazdyqty qozdyrýǵa arnalǵan dep tapqan. Bul jóninde UQK habarlady, dep jazady Qamshy aqparattyq agenttigi.

Mekemeniń habarlaýynsha, atalǵan qoldanýshylar Jalal-Abad oblysyndaǵy Masy aýdanynda bolǵan oqıǵaǵa qatysty ultarazdyqty qozdyrǵan. Buǵan qatysty Qyrǵyzstannyń Qylmystyq kodeksi boıynsha is qozǵalǵan. Qazir tergeý jumystary júrip jatyr.

Mamyrdyń 17-nen 18-ne qaraǵan túni 22 jastaǵy jergilikti turǵyn aýyldasymen sózge kelip, oǵan tórt ret pyshaq suǵyp, qashyp ketken. 20 mamyrda zardap shegýshiniń týystary polısıa ǵımaratynyń janyna kelip, qashyp ketken jigitt ustaýdy talap etken. Keıinnen kúdiktini qyrǵyz -tájik shekarasynda tutqyndaǵan. Oǵan buzaqylyq jasady degen aıyp taǵyp, eki aı merzimge qamaýǵa alǵan.

Áleýmettik jelilerde bul oqıǵa úlken pikir-talas týǵyzdy. Tipten keıbir qoldanýshylarǵa arnaıy qyzmet qylmystyq is qozǵady.

Derekkóz: centralasian.org

Sholýshy: Gúlim Jaqan