2017 jyldyń 9 maýsymy qazaq jurtshylyǵy úshin tarıhı sátke tolyqty. Kópten kútken «EKSPO-2017» kórmesi ashylyp, elimizdiń bar álemge basqasha qyrynan tanylýyna múmkindik týdy. Kórmede álemniń úzdik tehnologıalary men tájirıbesi, balamaly energıa kózderin paıdalaný salasyndaǵy jetistikter pash etiledi. 115 memleket, onyń ishinde AQSH, Qytaı, Ulybrıtanıa, Fransıa, Germanıa, Reseı, Japonıa, Ońtústik Koreıa sekildi elder bar, sondaı-aq 22 halyqaralyq uıym EKSPO-2017 kórmege qatysatynyn resmı túrde rastaǵan.
Qansha aıdan beri tynymsyz daıyndyq ústinde bolǵan memleketimizdiń úmiti, senimi aqtalar. Alaıda tarıhı kórmege jumsalǵan qarajatty el azamattarynan bólek, ózge memleket basshylary da sóz qyldy. Máselen, Qyrǵyzstan prezıdenti Almazbek Atambaev.
«Eger biz Astandaǵy sekildi kórmeniń uıymdastyrylýyna $3 mlrd. jumsaǵanymyzda, meni tirideı órtep jiberer edi», - degen Qyrǵyzstan prezıdenti Almazbek Atambaev Bishkektegi «Taza koom» forýmynda BAQ ókilderimen kezdesýi barysynda, dep jazady Qamshy aqparattyq agenttigi Jergilikti BAQ-qa silteme jasap.
«Biz damyǵan eldermen qatar júrýimiz kerekpiz. Alaıda memelketter arasyndaǵy teńsizdiktiń túrleri kóp, solardyń biri – sandyq tehnologıa. Bizde munaı joq, gaz joq, biraq bizde berik ári myqty azamattyq qoǵam bar, munymyzben munaı men gazdyń ornyn basa alamyz. Bul – bizdiń múmkindigimiz», dep qostady ol.
Prezıdenttiń aıtýynsha, memlekette ázirge qarjynyń jetispeýshiligi oryn alýda. Mysal retinde Astanada ótken kórme úshin el $3 mlrd. jumsaǵanyn keltirdi. «Biz qarapaıym jol jóndeý úshin nesıege mıllıard alaıyqshy, halyq qalaı da narazylyǵyn tanytady. Ótken jyly kóshpendilerdiń Ekinshi oıynyn ótkizýimizge $30 mln. ketken edi, halyq birden kóterildi. Al kórme úshin 3 mlrd. jumsasaq, halyq meni tirideı órtep jiberer. Biraq qashanǵy qarjy jaǵynan qysylyp júremiz? Memleketimiz ósip-órkendeý úshin, damýy úshin bir áreket qylýymyz kerek. Munaı men gazdyń joqtyǵyn biz adam áleýetimen toltyramyz», dep qorytyndylady ol.
Aıta keteıik, keıbir derekterge sáıkes, «EKSPO-2017» kórmesiniń uıymdastyrylýyna $3 mlrd. ketken.
