Astek ımperıasynyń qýattylyǵy sondaı, soǵysqa 3 000 000 ásker shyǵarýǵa kúshi jetken. Qaramaǵyndaǵy taıpalardy ýysynda ustaǵan. Alaıda sany myń ese az jatjerlik, jadap júdegen ıspandyq 800-aq áskerden qalaı jeńilip qaldy? Osynshama mıllıondaǵan áskerimen qurttaı áskerge qalaı shamasy kelmedi?

Sebep bir ǵana kitapta bolatyn. Bir ǵana ańyz jazylǵan kitap. Astekter dini boıynsha baǵzy bir zamanda shalqar teńizdiń ar jaǵynan aq saqaldy, meıirimdi aq adam kelip babalaryna jer jyrtyp egin salýdy úıretken eken. Táńir tektes sol adam keme sıaqty bir nársemen kelgen jerine qaıta ketken eken. Tabıǵatynan kóse(saqal-murtsyz) astekter qaba saqal ıspandyqtardy kórgende eski ańyzdaǵy aq saqaldy Táńir óz balalarymen qaıtyp oralǵan eken dep qalady. Ony aqyrzaman keldi dep joramaldap psıhologıalyq túrde rýhtary synyp berile bastaıdy. ıspandardyń baǵyna kezinde Táńir attanyp ketken jaǵalaýǵa zákir tastaýy da kómektesken. Ispandyqtardyń dúnıeqońyzdyǵy ǵana olardy qoldaryna qarý alýǵa májbúrlep, soǵysýǵa ıtermelegen. Soǵys bastalmaı jatyp astekter óz erikterimen berilgen.