Bul oqıǵa Brıtanıada bolǵan. 26 jastaǵy Erıka ernimen túımeni tistep turyp,  kezekti kóılegin tigip jatqan. Sóıte tura, anasynyń qoıǵan suraqtaryna jaýap berip, án de aıtyp úlgerdi. Kenetten ol túımeni jutyp qoıyp, qatty jótele bastady.

Úıdegiler qalaı kómekteserin bilmeı dal boldy. Jedel járdemge de qońyraý shaldy. Alaıda olar kelgende Erıkanyń júregi toqtap qalǵan edi. Túıme tútikterge turyp qalyp, tynys alýyna kedergi keltirgen. Qyz kógerip ketti. Dárigerler tunshyǵý ólimge sebepker bolǵan degendi aıtty.

Qyzynan aıyrylǵan otbasy qaıǵydan qan jutty. Bir kúnennen keıin qyzdy jer qoınyna tapsyrdy. Erıkaǵa ádemi kıim kıgizip, saýsaǵyna óziniń súıikti úlken altyn saqınasyn taqty.

Jerleý rásimi ótkenine birneshe saǵat bolǵanda esikti bireý qaǵady. Esikti ashqanda anasynyń qarsy aldynda «qaıtys bolyp ketken qyz» turady. Eırkany kórgen anasy talyp qalady. Qyz aıaǵyn áreń basyp turǵan. Ústi laıǵa bylǵanǵan.

Erıkanyń jaqyndary oǵan tamaq berip, jýyndyryp, demalýǵa mursha berdi. Birneshe saǵattan keıin qyz bastan ótkergen oqıǵasyn aıtyp berdi.

Ol jutyp qoıǵan túıme tútiksheni tolyqtaı jappaǵan. Aýa ókpege túsip otyrǵan. Bul mıdyń ólmeýine kómegin tıgizgen. Alaıda júrek qaǵysy qatty baıaýlaǵan. Sonyń saldarynan ol óz denesin basqara almaıtyn jaǵdaıǵa jetken.

Ol barlyq daýystardy estigen,  biraq eshteńe isteı almaǵan. Urylar onyń altyn saqınasyn urlamaq bolmaǵanda ol rasymen de kóz jumýshy edi. Qarańǵy túskende olar qabirdi qaıta qazyp, altyn saqınany sheshken, qyzdyń ústindegi kóılekti de urlamaq bolǵan. Kóılektiń túımesin sheshý úshin Erıkany bir jaq betine qaraı aýdarǵanda turyp qalǵan túıme shyqqan. Qyz tolyq tynys aldy. Muny kórgen eki ury sol jerde júrek ustamasynan kóz jumdy. Qalǵan ekeýi ustaldy.

Sholýshy: Sabına Ramazan