Keıde baqyt eń sońynda keledi. Tek kútý kerek. Tómendegi oqıǵa men onyń basty keıipkerlerdiń bastan ótkergeni osynyń dáleli.
Nıgerıalyq jubaılardyń oqıǵasy kóp adamdarǵa tanys ári túsinikti bolýy múmkin. Adjıbola men Adeboııa - súıip qosylǵan erli-zaıyptylar. Birge bala súıý olardyń armany bolǵan.
17 jyl boıy Adjıbola óz súıiktisinen bala kóterýge tyrysqan. Júkti bolý úshin barlyq tásilderdi qoldanǵan. Barmaǵan dárigeri jasamaǵan emi qalmaǵan. Tipti áıel bala kótere alaımyn ba degen kúdik keltire bastaǵan.
Taǵattary taýsylǵan kúıeýiniń týǵandary er adamǵa qysym jasaı bastaǵan. Tipti basqa áıel alýdy da usynǵan. Alaıda Adeboııa áılimen súıip qosylǵan edi, sondyqtan ózge týraly oılaǵysy kelmegen.
Kópten kútken júktilik belgili bolǵan kezde erli-zaıyptylar qýanyshtan es jıa almaı qalǵan. Bolashaq áke áıelin sapaly dárigerlerge tabystaǵysy kelip AQSH-qa aparady.
Erli-zaıyptylarǵa tórt balanyń ata-anasy atanatyndyqtaryn aıtqan. Alaıda shyndyq oılaǵandaı bolmady. Júktiliktiń 30-aptasynda áıel 6 birdeı balany dúnıege ákelgen.
3 ul men 3 qyz bosanǵan. Eń iri sábıdiń ózi 1,3 kg bolsa, kishisi 700 g bolǵan. Qazir sábılerdiń densaýlyǵy jaqsy. Birden alty balany bosaný qazirgi tańda ekstraordınarlyq jaǵdaı bolyp esepteledi.
17 jyldyq synaqtyń osyndaı qýanyshpen aıaqtalatynyn kim bilgen...
Daıyndaǵan: Nazerke MUSA
