Ines Ramıres Peres Meksıkanyń ońtústiginde turady. Inestiń úıi taýdyń ortasynda ornalasqan. Júkti áıel tolǵaǵy bastalǵanda úıde ózi ǵana bolǵan. Aýyrlyq sezimi men qatar Inesti ýaıym basty.Ol úsh jyl buryn balasynan aıyrylǵan. Ines osy balasyn da joǵaltyp alýdan qatty qoryqty.

Jaqyn mańdaǵy aýrýhana qaladan 80 shaqyrym jerde ornalasqan edi. Sondyqtan, Ines 12 saǵattyq tolǵaqtan keıin aǵash oryndyqqa otyryp, bir staqan araq iship alady da ishin 15 santımetrli pyshaqpen kesedi.

Shamnyń jaryǵymen áıel terisin, maıyn, bulshyq etin kesedi. Osylaı jatyrǵa deıin baryp sharanany shyǵaryp alady. Onyń sózinshe ol kindikti qaıshymen kesken. Odan keıin talyp qalǵan.

Bul oqıǵa 2000 jyldyń 5 naýryz bolǵan. Qazir balanyń jasy 17-de. Oǵan Orlanda Rýıs degen esim bergen. Onyń anasyn halyqaralyq deńgeıde ǵajaıypqa teńedi. Sebebi ol ózine operasıa jasaý arqyly balasyn alǵan jalǵyz áıel.

«Men budan ári shydaı almadym. Eger meniń balam ólip qalsa, men de ólemin dep sheshtim. Men onyń qalaı ósip jatqanyn kórgim keldi. Sońǵy sátke deıin Qudaı ony aman alyp qalady dep úmittendim» deıdi Ines.

Bolǵan oqıǵanyń kýágerleri joq. Alaıda Ines bosanǵanyna 12 saǵat ótkennen keıin ony teksergen akýsherler onyń ótirik aıtpaǵanyna tolyq senimdi ekenderin aıtady.

Onorıo Galvan jáne Djesýs Gýzman, Inesti qandaı jaǵdaıda aýrýhanaǵa alyp kelgenine qatty tańqaldy. Ol týraly medısınalyq forýmda bólisti. Bul oqıǵa Halyqaralyq gınekologıa jáne akýsherıa jýrnalyna shyqqannan keıin adamdar oǵan qyzýǵyshylyq tanyta bastady.

Jýrnalǵa maqala daıyndaǵandar Inesti eń alǵashqylardyń biri bolyp teksergen akýsher Leon Krýzben suhbattasty.

Onyń sózinshe, Ines ózine bir saǵat operasıa jasaǵan. Áıel esin jıǵannan keıin ishin matamen oraǵan. 6 jastaǵy Benıto esimdi balasyn kómek suraýǵa jibergen. Birneshe saǵat ótkennen keıin Krýz pen onyń kómekshisi kelgen.

Feldsher 17 santımetrli jyryqty kádimgi ıne men jippen tikken. Osydan keıin ana men balany juqa sabannan jasalǵan kilemshege orap, aýrýhanaǵa eki saǵat súırep aparǵan. 

Daıyndaǵan: Ásem Álmuhanbet