Aýdandyq bilim basqarmasy Asylhandy kámelet jasqa tolmaǵandarǵa arnalǵan ýaqytsha beıimdelý ortalyǵyna jiberetinin habarlady. Ol onda sot sheshimi shyqqanǵa deıin bolady. Óz balasyn aıaýsyz soqqyǵa jyǵyp, múgedek etken áıelge qatysty qylmystyq is qozǵaldy dep jazady Qamshy aqparattyq agenttigi tvk-uko.kz-ke silteme jasap.

 Anasynyń mundaı qatigez áreketke nelikten barǵany belgisiz. Ol qazir bir jasar balasyn tárbıelep jatyr. Onyń úshinshi balasy da bar. Alaıda balanyń qaıda ekeni belgisiz. Asylhannyń týystary onyń ómiri týraly aıtyp berdi.

 «Asyl kishkentaı kezinde týystarynyń úıinde tárbıelendi. Mektepke baratyn ýaqyt jetkende ony anasyna qaıtaryp berdi. Ol ýaqytta anasy Komýnızm aýylynda ápkesiniń úıinde turyp jatqan. Anasy Asyldy Túrkistandaǵy ınternatqa jibermek bolǵan. Nelikten ekeni belgisiz, ol oıynan aınyp qaldy. Bala dárethanaǵa barý degendi bilmeıtin. Durys sóıleı almaıdy jáne júre almaıtyn. Ortanshy balasy basqa jaqta tárbıelenip jatyr. Naqty kimge bergeni belgisiz. Kishi qyzy ózimen bolý kerek. Sebebi ol úshin járdemaqy alady» dedi týysy Sandýǵash Joldasbekova.

 Balalardyń ákeleri kim ekeni belgisiz. 31 jastaǵy áıel aýrýhanaǵa kelip turǵan. Asylhannyń densaýlyǵy túzelip keledi.

 «Onyń jaǵdaıy óte aýyr edi. Burynǵy jarasy da, qazirgi jaraqattary da óte aýyr boldy. Qazir em-domyn alyp jatyr. Eki aptadan keıin ony aýrýhanadan shyǵaramyz» deıdi balalar aýrýhanasynyń neırohırýrgy Muhtar Ábdiqadyrov.

 Sholýshy: Ásem Álmuhanbet