Áleýmettik jelide «EKSPO-2017» halyqaralyq kórmesiniń aýmaǵynda oranalasqan meıramhanalardyń birindegi tamaq máziriniń baǵasy jazylǵan sýretter paıda boldy, dep jazady Qamshy aqparattyq agenttigi.

Sýretterge nazar aýdarsaq, baǵalardyń ýdaı qymbat ekenin baıqaýǵa bolady. Máselen, bir staqan kompottyń baǵasy Taıqazan meıramhanasynda 1200 teńge turady. Salqyndatylǵan sýsyndardyń da baǵasy máz emes, jarty lıtr syranyń baǵasymen birdeı.

«Iá, túsinemin, halyqaralyq kórme. Biraq ózimizdiń qazaqstandyqtardy da oılaýǵa bolady ǵoı. Osynshalyqty paıdaqorlyqtyń qajeti qansha?», dep jazypty sýretterdi taratqan avtor kúıine otyryp.

Sondaı-aq, tamaqtar mázirine de kóńil aýdarýǵa bolady. Tizimde kúndelikti azyq sanalatyn sorpa, laǵman, mánti, qýyrdaq, palaý syndy taǵamdardan basqa eshteńe joq. Ózimizdiń ulttyq taǵamdarymyz: qymyz, shubat, beshbarmaqtardy mázirge qosýǵa bolatyn edi. Onyń ústine qonaqtardy ózine shaqyratyn erekshe taǵamdardy da kórmedik.

Sholýshy: Gúlim Jaqan