Almaty qalalyq mamandandyrylǵan aýdanaralyq ákimshilik sotynda Maqsat Úsenovtiń isi qaraldy, - dep habarlaıdy Qamshy aqparattyq agenttigi Tengrinews.kz saıtyna silteme jasap.
Atyshýly Úsenov sot ǵımaratyna 16.00-de bir polıseıdiń jáne formasyz er adamnyń jeteginde keldi.
Úsenov sotqa kúnnen qorǵaıtyn kózildirik kıip keldi.
Jaýap alý kezinde Maqsat Úsenov óz áreketin túsindirdi. İshimdik ishken-ishpegeni jaıly suraqqa ol bylaı dep jaýap qatty: "Bortta maǵan bir staqan vıskı quıyldy. "Dútı frıden" bir shólmek vıskı satyp aldym. Biraq men ony ishken joqpyn.
"Men bylapyt sóz aıtqan joqpyn. Bortserikke de, Koktyshevke de jaman sóz aıtpadym. Daýsymdy kótergenim ras, biraq ol kezde stúardessa meniń sómkeme qol júgirtti. Bul durys emes, aqsham bar edi. Sondyqtan daýsymdy kóterdim, biraq dóreki sóz sóılemedim. Ókinetinimdi ǵana aıta alamyn", - dedi Úsenov sotta. Osydan keıin ol 9 táýlikke qamaýǵa alýyn surady.
Aıta keteıik, jaýap alý kezinde Maqsat Úsenovtiń qurylys kompanıasynda zańger bolyp jumys istep jatqany anyqtaldy. Sottyń sheshimi boıynsha, Maqsat Úsenov 10 kúnge qamaýǵa alyndy.
Eske salaıyq, Maqsat Úsenov Almaty-Bangkok reısin oryndaǵan áýe kemesiniń bortynda tabak ónimin qoldanǵan, buǵan ulttyq jáne halyqaralyq talaptar boıynsha tyıym salynǵan.
