16 maýsymda Baılanys jáne aqparat qyzmetkerleri kúni qarsańynda Almatyda jýrnalıser arasyndaǵy «Myń boıaýly qala – Gorod tysáchı krasok» baıqaýynyń jeńimpazdaryn marapattaý sharasy ótti, dep habarlaıdy Qamshy aqparattyq agenttigi.

 Aqparattyq keńistiktegi megapolıstiń úzdik ókilderin Almaty ákimi Baýyrjan Baıbek, QR Aqparat jáne komýnıkasıa vıse-mınıstri Alan Ájibaev, elimizdiń jetekshi BAQ  basshylary marapattady.

Baıqaý jeti nomınasıa boıynsha ótti: BAQ-taǵy úzdik maqala, aqparattyq agenttikterdegi (ǵalamtor resýrstary) úzdik maqala, úzdik radıo materıal, áleýmettik jelidegi úzdik maqala (blogerler materıaldary), úzdik fotomaterıal, úzdik ınfografıka jáne úzdik televızıalyq sújet.

«Úzdik  gazet maqalasy» kategorıasy boıynsha «Túrkistan» gazetiniń jýrnalısi Dınara Jeldibaeva jeńimpaz atandy, al «Úzdik  radıomaterıal» nomınasıasy boıynsha eki jýrnalıs-«Astana» radıosynyń mýzykalyq redaktory Áıgerim Bilálova men «Qazaq radıosynyń» jýrnalısi Aman Tasyǵan júldeni ózara bólisti, qazaqtardyń Dúnıejúzilik assıasıasy saıtynyń redaktory Erlik Kebekbaı ǵalamtordaǵy úzdik materıal nomınasıasyn jeńip aldy,úzdik ınfografıka júldesin «IGRAPHIC» dızaın búrosynyń bas dırektory Baǵlan Aıdashov alsa, Janna Ahmetova  áleýmettik jelilerde úzdik postar jarıalady, Maksım Zolotýhınniń jumystary úzdik ftotomaterıaldar dep tanyldy, al «Úzdik televızıalyq sújet»  nomınasıasy boıynsha «Habar agenttigi» AQ Almaty fılıalynyń jýrnalısi Ulan Narynbek pen «Astana»  telekanalynyń jýrnalısi Ádil Ónerbaevtar jeńimpaz atandy.

Almaty  ákimi Baýyrjan Baıbek aýmaǵy 500 sharshy metr bolatyn «Almaty» telearnasynyń  jańa zamanaýı pavılonynda boldy.

Sońǵy bir jarym jyl ishinde kanaldy modernızasıalaý jumystary júrdi, qural- jabdyqtar jańartyldy, óndiristik trakt 16h9  joǵary kórsetilimdegi sandyq formatqa  kóshirildi, álemdik tanymal óndirýshilerden jalpy quny 1,2 mlrd. teńge bolatyn zamanaýı televızıalyq tehnıkalar satyp alyndy.

Búgingi kúni «Almaty» telearnasynyń qalanyń kez - kelgen núktesinen tikeleı efırge shyǵatyn jáne aýqymdy sharalardy der kezinde kórsete alatyn jyljymaly televızıalyq stansıasy bar. Kanal respýblıkanyń barsha aımaǵyn qamtıdy, sonyń arqasynda balamaly, sandyq, spýtnıktik, kabeldi jáne ınternet segmenttegi habarlardy tarata alady.

«TNS Gellap Medıa»agenttiginiń málimeti boıynsha bıylǵy jyly qalalyq  telearnany kórýshiler qatary 2015 jylmen salystyrǵanda  26%-ǵa artqan.

Júzege asqan osynaý ıgi sharalardyń arqasynda «Almaty»  telearnasyna jarnama berýshiler qatary ulǵaıýda. Mysaly,2016 jyldyń qorytyndysy boıynsha telearnanyń jeke tabysy 112%-ǵa artyp, 256 mln. teńgeni qurady. Qurylǵaly beri alǵash ret telearna jaqsy qarjylyq kórsetkishke qoljetkizdi. Zamanaýı aparatýralarmen jabdyqtalǵan jańa stýdıalyq pavılon iske qosylǵan kezde «Almaty» telearnasy jańa sapalyq deńgeıge kóteriletin bolady.