Londondaǵy kópqabatty turǵyn úı órtinen qaza tapqandardyń sany 70-ge jetti. Áý basta zardap shekkender 30-ǵa jýyq alaıda bul san taǵy ósýi múmkin dep habarlanǵan bolatyn. Bul týraly Qamshy aqparattyq agenttigi RIA Novostı-ǵa silteme jasap habarlaıdy. Ázirge bul aqparat polısıa tarapynan resmı túrde rastalmady.
Esterińizge salaı keteıik, 14 maýsymǵa qaraǵan túni Ulybrıtanıa astanasyndaǵy kópqabatty ǵımarat otqa oranǵan bolatyn. Tilsiz jaý kesirinen evakýasıalanǵan 100-den astam otbasy taıaýdaǵy qoǵamdyq ortalyqtarǵa, meshit pen shirkeýge jaıǵastyrylǵan. Ottyń naqty neden tutanǵany ázirge belgisiz. El premer-mınıstri quzyrly organdarǵa tótenshe jaǵdaıǵa qatysty jiti tergeý júrgizýdi buıyrdy.
Sholýshy: Nazerke MUSA
