Qaraǵandy qalasynyń Maıqudyq shaǵyn aýdanynda jańa balalar alańy paıda boldy dep jazady 24.kz. Bul boksshy Gennadıı Golovkınniń óziniń týyp, ósken úıiniń aýlasyna tartýy. Elbasynyń «Týǵan jer»  baǵdarlamasyna qoldaý retinde týǵan ólkesinde oıyn keshenin ornatqan áıgili sportshynyń bul ıgi isi óńirdegi ózge de kásipkerlerge úlgi boldy. Endi osyndaı oıyn keshenderin Prıshahtınsk pen Sortırovka shaǵyn aýdandarynda ashý kózdelgen. Bul shaǵyn aýdandaǵy eń úlken oıyn alańy.

Nına Lepeha, Maıqudyq shaǵyn aýdanynyń turǵyny:  - Buǵan deıin bizdiń balalarymyz basqa aýlalarǵa baryp oınaıtyn. Qazir bolsa, basqa aýlanyń balalary bizge keletin boldy. Árıne keremet, balalar jazdaǵy demalys ýaqytynda osyndaı ádemi oıyn kesheninde oınaǵanǵa ne jetsin. «Týǵan jer» baǵdarlamasynyń arqasynda áli de kóptegen ıgi ister júzege asyrylady degen senimdemin.