Hýlıan Rıos Kanttyń jasy 13-te bolǵanda, ómirinde sumdyq jaǵdaı oryn alǵan. Sút bezi qaterli isigine shaldyqqan anasynyń ómir súrýi uzaqqa sozylmaıdy degen sýyt habar estigen. Jasóspirim bala ózin psıholgıalyq turǵydan anasyz ómirge daıyndaýmen boldy.
Hýlıannyń anasy erterek dárigerge qaralǵanda, emniń aldyn alýǵa bolatyn edi. Alaıda ýaqytty ótkizip alǵandyqtan aýrýy da asqynyp ketken. Sonyń saldarynan dárigerler anasynyń keýdesin ampýtasıalaıdy. Alaıda bir ǵajappen atalmysh ádis áıeldiń ómirin qutqaryp qalady.
Anasy ómirine tóngen qaterden qutylǵanda Hýlıan ony qutqarǵan jandar úshin erekshe tosyn syı jasaǵysy keldi. Onyń maqsaty – anasy sekildi aýrýǵa shaldyqqan ózge de áıelderdiń ómirin qutqarý.
Sóıtip 13 jastaǵy bala iske kirisip ketti. Alǵashynda sút bezi qaterli isigi jaıynda túgeldeı zerttep bildi. Aýrýdyń aldyn alýdyń, sondaı-aq aýyrǵan jandardyń emdeýdiń joldaryn izdedi. 17 jasynda óziniń jeke Higia Technologies komapnıasyn qurdy. Onyń maqsaty – sút bezi qaterl isigine shaldyqqan áıelderdi emdep jazý úshin qarapaıym ádis oılap taby boldy.
Onyń kompanıasy túrli tehnologıalyq ádisterdi jasap shyǵardy, sóıtip 200 qurylǵy ornatylǵan keýdeshe oılap tapty. OL qurylǵylar áıeldiń keýdesindegi ózgeristi anyqtap, ári baqylap turýǵa arnalǵan. Kóp uzamaı atalmysh keýdeshe dárigerlerge tapsyryldy. Dárigreler endigi joly áıelderdiń keýdesinde bolyp jatqan ózgeristerden habardar bolyp turatyn boldy. Hýlıan oılap tapqan ádisine rıza boldy.
Qurylǵynyń mindeti qarapaıym bolǵanymen, aqylmen oılap tapqan dúnıe. Sút beziniń qaterl isigi ulpalardyń qan aınalymyn arttyrady, sonyń saldarynan temperatýra joǵarylaıdy. Al keýdeshe temperatýrany bir qalypta ustap, áıeld adamnyń boıynda qandaı da bir qaýip ornasa, birden belgi beredi. Sóıtip aýrýǵa shaldyqqan áıel der kezinde em qabyldaıdy. Qurylǵy saraptamadan ótip, nátıjesi oń bolǵan.
Hýlıan oılap tapqan qurylǵysy úshin Meksıka prezıdentinen marapattas qaǵazyn alǵan. Keýdeshe áli kúnge deıin synaq bólemsinde jatyr. Biraq tolyq tekserýden ótken soń, álem boıynsha paıdalanýǵa beriletinine Hýlıan senimdi.
Onyń jasy búginde nebári 18-de, jas ónertapqysh mıllıondaǵan adamnyń ómirin qutqaratyn ádis oılap tapty. Anasynyń aýrýymen kúresý balaǵa ómirlik sabaq boldy jáne sol sabaq ony jetistikke jeteledi.
Sholýshy: Sabına Ramazan
