Aqtóbede derti asqynǵan 2 áıelge baýyr almastyrý otasy jasaldy. Bul týraly Qamshy aqparattyq agenttigi Habar arnasyna silteme jasap habarlaıdy. Sanaýly kúnderi qalǵan syrqattarǵa týystary donor bolǵan. Aqtóbelik dárigerlerge kómekke Ońtústik Koreıadan bilikti dáriger kelip, otanyń bas-qasynda júrdi. Profesor Kvang Vong Lı buǵan deıin de birneshe ret kelip, jergilikti dárigerlerge sheberlik saǵattaryn ótkizgen edi. Kúrdeli ota sátti aıaqtalyp, naýqastar qajetti em-domyn alyp jatyr.

Jalpy sońǵy 2 jylda oblysta 29 búırek, 9 baýyr almastyrý otasy jasaldy. Onyń ishinde 6 naýqasqa qaıtys bolǵan adamdardyń organdary salynǵan.  Erlan Sultangereev, oblystyń bas hırýrgi: - Qural-jabdyqtar alyp, bıohımıalyq zerthana ashamyz dep jatyrmyz. Aqtóbe oblystyq aýrýhanasynda 200-den astam analız alatyn bolamyz. Qan ortalyǵynda NT tıptik degen zerthana ashýdy josparlap jatyrmyz, myna, transplantologıada naýqastardyń bir-birine sáıkestigin anyqtaýǵa zerthana bolsa, bizdiń Aqtóbe qalasynda, ýaqyt únemdeýge jaqsy, óıtkeni asqyný bolmaıdy dep oılaımyz-dedi.
 

Sholýshy: Nazerke MUSA