Astanalyq jumyskerler artyq sý qory men kúnnen qorǵaıtyn qalpaq daıyndap, tózimdilik tanytýlaryna týra keledi. Elordada bir jarym juma boıy aspap ystyq bolady, - dep habarlaıdy Qamshy.kz Elorda ákimdiginiń medıa-ortalyǵyna silteme jasap.

Salqyn kúnder maýsymnyń 28-nen keıin ǵana kútiledi, - dedi «Qazgıdromet» uzaq merzimdi boljam jasaý basqarmasynyń aǵa ınjeneri Aıgúl Myńjanova Elorda ákimdiginiń medıa-ortalyq tilshisine.

Jaqyn kúnderi sý qoımalaryna baryp, shomylýdy josparlaǵandarǵa aýa-raıy kedergi keltirmeıdi. Sınoptıkter 35 gradýsqa deıin ystyq bolady dep otyr. Demalys kúni jańbyr jaýýy yqtımal. Keler aptanyń basynda qapyryq sál báseńdeıdi, Reseıden keletin sıklon termometr kórsetkishin 30 gradýstan joǵary kóterilýine múmkindik bermeıdi. Alaıda, artynan ile-shala Qazaqstanǵa Irannan ystyq aýa massasy keledi. Sol sebepten 21 maýsymnan keıin synap baǵanasy qaıtadan joǵary kóteriledi.

Sınoptıkterdiń boljamy boıynsha eń aptap ystyq kúnderi maýsymnyń 26-27-nde kútilýde. Ol kúnderi aýa temperatýrasy 39 gradýsqa deıin jetedi.

Ádette Qazaqstanda eń ystyq aı sanalatyn shildede sınoptıkterdiń aldyn-ala boljamy boıynsha kún salqyn ári jańbyrly bolady. Al tamyzda qaıtadan ystyq kúnder kútilýde, temperatýra kórsetkishi normadan bir gradýsqa joǵary bolady.