Terrorıster Fılıppınniń ońtústigindegi mektepterdiń birine shabýyl jasaǵan. Bul týraly Qamshy aqparattyq agenttigi  Reuters-qa silteme jasap habarlaıdy.

Sodyrlar birneshe oqýshyny tutqynǵa alǵan. Ázirge zardap shekkender týraly málimet joq. Polısıanyń málimetinshe, shabýylǵa 300-ge jýyq qarýly adamdar toby qatysqan. Olardyń ishinde Islamıster radıkaldy toptary da bar kórinedi.

Oqıǵa Mındano aralynda oryn alǵan. 2016 jyly ekstremıstik toptar birigip aralda «Islam memleketin» quratyndyqtaryn málimdegen.

23 mamyr kúni fılıppındik Maravı qalasy sodyrlardyń shabýyly astynda qalǵan. Islamıster qalaǵa qarý-jaraqtaryn ákelip ornyǵyp alǵan. bir aı boıy jergilikti polısıa terrorısterdi qaladan shyǵara almaı keledi.

Sholýshy: Nazerke MUSA