QR Aqparat jáne komýnıkasıalar mınıstri Dáýren Abaev Mınıstrliktiń qyzmetiniń nátıjeleri, elimizde iske asyrylǵan reformalar, áleýmettik-ekonomıkalyq damý, Mınıstrliktiń Strategıalyq josparynyń negizgi kórsetkishterine qol jetkizilý týraly jáne Mınıstrlikke qarasty salalardy damytýdyń mindetteri boıynsha esep berdi. Bul týraly Qamshy aqparattyq agenttigi habarlaıdy.

Mınıstrlik otandyq BAQ  quraldaryn, sonyń ishinde  memlekettik telearnalardy jańǵyrtý sharalaryn júzege asyrylyp  jatqanyn atap ótti. "Búginde otandyq telearna kontenti sheteldik standarttarǵa saı damyp jatyr"- dep atap ótti mınıstr.  

Otandyq telearnalardan «Habar 24» arnasy  mańyzdy aqparattardy  jetkizýmen aınalysatynyn jetkizdi. Sonymen birge, mınıstr  «Qazaqstan»  arnasyn da mańyzdy aqparattardy taratatyn taldaý formatyndaǵy telearna dep atady.

«Naýryz aıynda otandyq serıaldardy  kórsetetin   «Elarna»  jańa arnasy iske qosyldy. Búgingi tańda otandyq serıaldarǵa qyzyǵýshylyq artýda»-deıdi mınıstr D.Abaev.

«HD formatyndaǵy televızıany damytý máseleleri qarastyrylyp jatyr. Shalǵaı aýdandardaǵy  sıfrlyq televızıa máseleleri qolǵa alynyp jatyr. Búginde  Respýblıka eldi-mekenderi 77%-ǵa  sıfrlyq televızıamen qamtyldy.  Otandyq spýtnıktik televızıa basymdyq berip otyr.  Baspasóz salasynda «Egemen Qazaqstan» men «Kaz Pravda»  gazetteriniń formaty túrlenip, túrli-túske kóshirildi»-dep atap ótti mınıstr óz esebinde.

« 2020 jylǵa deıin  uıaly baılanys pen  ınternetke qol jetimdilik máselelerin qolǵa alý júzege asyrylýda.   1900 aýyldyq meken jyldamdyǵy joǵary ınternetpen qamtamasyz etiledi dep kútilýde».

«Azamattarǵa  arnalǵan úkimet  qyzmetiniń  qoljetimdiligi týraly máselege baılanysty, shalǵaı aýdandarda  70 mobıldi qyzmet kazpochtamen birlesken jobalaryn iske asyrýda»-dedi mınıstr.

Dáýren Abaev óz esebinde qazirgi tańdaǵy BAQ-taǵy úlken problema -sensasıalyq jańalyqtardyń portaldar men elektrondy resýrstarda kóptep kórinis tabýy ekendigin aıtty. Elektrondy BAQ óz reıtıńisin joǵary ustaý úshin qaıǵyly jaǵdaıǵa ushyraǵan, zardap shekken, zorlyqqa dýshar bolǵan adamdar, balalar týraly jeke aqparattardy jarıalaıdy. Osy oraıda eshqandaı moraldik qundylyqtar umytylatynyn atap ótti.

Sonymen birge, qazirgi ınternettegi aqparatty suryptaý men irikteý máselelerin de mınıstr óz sózinde aıtyp ketti. Balalardy burys jańalyqtardan, psıhologıasyna áser etetin aqparattardan, zıandy saıttar men resýrstardan qorǵaý júzege asyrylýy tıis ekendigin jetkizdi.

Qazaqstannyń ártúrli oblystaryndaǵy baspasóz ókilderi tarapynan qoıylǵan suraqtardy D.Abaev  muqıat tyńdap tolyq jaýap berdi. Jýrnalıserge baspana máselesiniń berilýi týraly suraqqa búgingi tańda jýrnalıserdiń kópshiligi jeke menshik uıymdarda qyzmet etetinin, osy oraıda olar óz-ózderin qamtamasyz ete alatyndaı dárejede ekendigin aıtty. Osyǵan qaramastan baspana máselesi qarastyralatynyn jetkizdi.

Mınıstrlik tarapynan BAQ reformalaryna, BAQ týraly zańǵa ózgerister kelesi jyldan bastap engiziletinin, onda  jýrnalıseri qorǵaý, olardyń quqyqtary men  derekti alýdyń joldary  qarastyrylyp qamtamasyz etiletinin málimdedi. 

Sholýshy: Nazerke MUSA