Astanada Qazaqstan Respýblıkasynyń Memlekettik hatshysy Gúlshara Ábdiqalyqova Gerontologtardyń II eýrazıalyq sezine qatysty.

İs-sharaǵa Qazaqstan Respýblıkasy Prezıdenti İs basqarmasy Medısına ortalyǵynyń basshylyǵy, Reseı, AQSH, Ulybrıtanıa, Japonıa, Ázerbaıjan, Ýkraına, Belarýs jáne t.b. elderdiń jetekshi ǵylymı ortalyqtarynyń ókilderi qatysty.

Sıeze gerontologıanyń jáne gerıatrıanyń ózekti  máseleleri – irgeli,  klınıkalyq,  medısınalyq-áleýmettik problemalar, belsendi ári uzaq ómir súrý, sapaly turmys jaıttary, saýyqtyrý terapıasynyń erekshelikteri, adamdardy ońaltý jaıy, t.b. máseleler talqylandy.

Memlekettik hatshy quttyqtaý sózinde 2025 jylǵa qaraı álemde egde adamdar sany BUU boljamy boıynsha 1 mlrd. 100 mıllıonǵa jetetinin atap ótti. Qazaqstanda 2012 jyl men 2016 jyl aralyǵynda jasy 60-tan asqan halyq sanynyń úles mólsheri eń kemi 7%-dan 12%-ǵa deıin kóbeıgen. Al adam ómiriniń ortasha uzaqtyǵy 72 jastan asty.

Gúlshara Ábdiqalyqova Memleket basshysy Nursultan Nazarbaevtyń uzaq ómir súrý jóninen qol jetkizgen deńgeıimiz – bizdiń basty jetistigimiz ekenin aıtqanyn jetkizdi. 

Gerontologtardyń II eýrazıalyq sezinde Eýrazıa keńistigindegi gerontologtar qoǵamdastyqtarynyń jumys tájirıbeleri jınaqtalatyn bolady.