Jezqazǵanda "Sharýa" bazarynyń mańynda órt shyqty. Órtti sóndirýge bir saǵattan asa ýaqyt ketti, - dep habarlaıdy Qamshy aqparattyq agenttigi Tengrinews.kz-ke silteme jasap. Órtti kýágerler vıdeoǵa túsirip alǵan. Olardyń aıtýynsha, bul birinshi ret bolyp turǵan órt emes. Bıyl naýryz aıynda da "Sharýa" bazarynda túngi ýaqytta órt shyqqan. Ol kezde bazar aýmaǵynda eshkim bolmaǵan. "Bazar osymen ekinshi ret órtenip jatyr, ádeıi sıaqty. Ol jaqta jóndeý jumystary da aıaqtalmaǵan edi. Qaıtadan órt shyqty, jóndeý jumystarynan keıin endi ǵana ashylyp edi", - deıdi kýágerler.

"Órt Jezqazǵan qalasyndaǵy "Sharýa" bazarynyń aýmaǵynda boldy. Bir qabatty býtık órtenip jatty. Órt saǵat 20.54-te aýyzdyqtalyp, 21.20-da aýyzdyqtaldy. Órt 120 sharshy metrdi qamtydy, zardap shekkender men qaza tapqandar joq", - dedi qalalyq TJD baspasóz qyzmetindegiler. Órttiń sebebi ázirshe anyqtalmady. Kýágerlerdiń aıtýynsha, órtke bazarda jóndeý jumystary kezindegi dánekerleý jumystary sebep bolǵan.

Sholýshy: Aıgerim Taýbaı