Qıalymen qalam qaıraǵan jazarman qaýymnyń ómiri kimderdi bolmasyn qyzyqtyrmaı qoımasy anyq. Kitap oqyp otyryp avtordyń tabıǵatyn, bolmysyn tanyǵandaı bolasyń.
Qarapaıym adamdardyń biri retinde shyǵarmagerlerdiń de tabıǵatyna tán túrli áýestikteri, qyzyǵýshylqtar, keıde jaǵymsyz qasıetteri da bolsa kerek. Tipti keıbir jazýshylar ózine kompleks jasap alady da sonyń mańaıynan shyqpaı júrip alady. Jaratylysqa shek joq emes pe?!
Qalamgerlerdiń tabıǵatyna tán osyndaı qyzyqty aqparattardy sholyp ótsek.
Áıgili ertegishi Gans Hrestıan Anderson túzetýshi korektorlar men qaıta óńdeýshi kómekshileriniń kómeginsiz birde-bir áńgimesin jarıalamaǵan. Sebebi Anderson pýnktýasıa men orfografıany derlik múldem bilmegen jáne ony qajetsiz dep sanaǵan. Demek, Andersondyq shedevrlerdiń dúnıege kelýine biraz adam kómmegi tıgen. Anerson ózin «Balalar ádebıetiniń atasy» dep ataýyn qalamaǵan. Jazýshynyń oıynsha onyń ertegileri eresekter aýdıorıasyna da arnalǵan.
Detektıv janryndaǵy qarymy mol qalamgerlerliń biri – Agata Krıstı. Jazýshyny Brıtanıa patshaıymynan bastap kúlli el turǵyndary súısinip oqıdy. Qalamgerdi Brıtanıa halqy detektıv janryndaǵy qalamgerlerdiń etalony sanap, maqtan tutady. Brıtanıada onyń kitaptarynyń tırajy Shekspırdiń týyndylarynan keıingi orynǵa jaıǵasqan. Bul rekordttyq kórsetkish.
Qalamymen sharq uryp, qıal orǵan jazýshylardyń da jaǵymsyz áýestikteri bolmady emes boldy. Pende ǵoı! Pendeshilik kimde joq. Osyndaı pendeshiligi basym jazýshynyń biri amerıkandyq jazýshy Menkenniń osal tusy ishkilik bolǵan desedi. Jalpy qalamgerler óz týyndylary úshin qomaqty qalamaqy alýdy qalaıdy emes pe?! Alaıda amerıkandyq satırık óz týyndylaryn bir jáshik araqqa da aıyrbastaı bergen kórinedi.
Amerıkandyq kınematografısterdiń súıikti jazýshy - Edgor Po. Onyń týyndylaryna túsirilgen kınolrdyń sany 114-ten asyp túsedi.
Orys ádebıetiniń kórnekti qalamgeri Konstantın Sımonovtyń tólqujattaǵy esimi Kırıll. Kırılldyń Konstantınge aınalýy balalyq shaqtaǵy keleńsiz jaǵdaǵa baılanysty. Ákesiniń ustarasymen oınap otyrǵan bolashaq jazýshy tilin kesip alady. Sonyń saldarynan R men L áripterin aıtýǵa qınalyp, sózderdi durys jetkize almaı, esimin Konstantınge aýysyrady. Buzaqy bolmastan tynysh júrse orys ádebıetinde Konstantın Sımonov emes Kırıll Sımonov esimdi jazýshy bolýshy ma edi, kim bilsin!
Jazý ústeline otyrǵan Redárd Kıplıng ár elý jol saıyn bir staqan sý ishpese jaza almaıtyn kórinedi. Tek qara sıamen ǵana jazatyn jazýshy túrli-tústi qalamdardy sýqany súımeıdi eken. Túrli-tústi qaryndashtar oıymdy shashyratady dep sengen.
Áıgili «Júz jyldyq jalǵyzdyǵymen» Nobeldi alǵan Gabrıel Garsıa Markes mysyqtardyń fanatısti bolǵan. Onyń úıinde mysyqtan kóp nárse bolmaǵan desedi. Kóptegen oqyrmandary da súıikti jazýshysyna jıi-jıi mysyqtyń marǵaýlaryn syılaıdy eken. Týrısterdiń kópshiligi jazýshynyń mýzeıine avtor shyǵarmashylǵymen tanysý úshin emes, «Vasek» jáne «Mýrakamı» esimdi mysyqtaryn tamashalaýǵa keledi eken.
Áńgime janrynyń sheberi Anton Chehov óz týyndylarynda ǵana emes, shyn ómirde de óte ázilqoı bolǵan. Ol óziniń súıikti jaryn «anakondam», «akrısam», «kúshigim» tipti, «meniń jan dúnıemniń krokadıli» dep te ereletetin kórinedi.
Poláktyń uly aqyny Adam Mıskeevıchtyń shyǵarmalyq ǵumyry da óte qyzyqqa toly, tipti tylsym dersiń. Onyń aqyndyq ǵumyry tórt-aq jylǵa sozylǵan. Sol aralyqta ol óziniń ataqty «Pan Tadeýsh» balladasyn jazyp úlgergen. Aqynǵa tanymaldylyq alyp kelgen atalmysh týyndyny bir kúnde tańerteńnen ala keshke deıin jurttyń kózinshe tik turyp jazyp shyqqan desedi.
Daıyndaǵan: Aqerke Maratqyzy
