QR Ulttyq banki ekinshi deńgeıli banktermen qaıtarymsyz depozıtter engizý máselesin qaraýda dep habarlaıdy Qamshy aqparattyq agenttigi  naryk.kz-ke silteme jasap.

Depozıttik bul túriniń ereksheligi – jyldyq ústemeaqysy kóp, degenmen ony ýaqytynan buryn sheship alý múmkindigi joq.

Danıar Aqyshevtiń málimetinshe, álemdik tájirıbede qaıtarymzsyz depozıtter barynsha uzaq merzimge jáne joǵary paıyzdyq ústememen salynady jáne ol depozıtti qorǵaýdyń qosymsha kepildikteri qamtamasyz etiledi.

«Bul óz kezeginde bankter úshin de paıdaly. Belgili bir merzimge deıin álgi depozıttik qaıta suralmaıtynyn bilgen bankter bul jaǵdaıda barynsha turaqty qorǵa ıe bolady jáne ózgelerge uzaqmerzimdi nesıe berý múmkindigin ıelenedi”, – dedi Aqyshev.

Onyń aıtýynsha, qazir Qazaqstanda kez kelgen banktegi kez kelgen depozıtti salymshy ýaqytynan buryn baryp sheship ala alady. Ol QR Azamattyq kodeksinde qarastyrylǵan. Bank ótinish berilgen kúnnen úsh kún ishinde depozıt qarjysyn qaıtaryp berýi tıis.

Sonymen qatar bas bankır Qazaqstandyq depozıtti kepildendirý qory jyldyq depozıt ústemesiniń 14 paıyz deńgeıinde ózgerissiz qaldyrady.

Aıta keteıik, búgin Ulttyq bank tóraǵasy zeınetaqy jınaǵyn ýaqytynan buryn sheship alý týraly aıtqan edi.

Sholýshy: Ásem Álmuhanbet