Reseı Sırıaǵa qazaqstandyq jáne Qyrǵyzstan áskerin jiberý týraly kelissózderdi júrgizdi dep habarlaıdy Qamshy aqparattyq agenttigi RBK-ǵa silteme jasap. Qazaqstan jáne Qyrǵyzstan bıligimen kelissózder týrasynda Reseıdiń memlekettik dýma komıtetiniń basshysy Vladımır Shamanov aıtty. Túrkıa prezıdentiniń ókili de Sırıaǵa Qazaqstan men Qyrǵyzstan áskerin kirgizý múmkin ekenin habarlady.
Búgin Túrkıa prezıdentiniń ókili Ibragım Kalyn Reseı prezıdentiniń arnaıy ókilderimen kezdesý barysynda Haberturk telearnasyna Sırıaǵa qazaq jáne qyrǵyz áskerin aparý sóz bolǵanyn aıtqan.
«Munyń barlyǵy úlken jumysty qajet etedi. Kim qaı jerden kiredi, qansha ásker jáne olardy qaıda ornalastyrý degen sekildi. Iaǵnı 300 nemese 500 adam kerek pe? Qazir Idlıbte mıllıonnan astam adam turady. Áskerıler osyndaı turǵynǵa qansha ásker kerek ekenin talqylap jatyr. Astanada maýsymda ótetin kezdesý barysynda osy máseleler naqty oılastyrylady dep oılaımyn» dedi Kalyn.
Sholýshy: Ásem Álmuhanbet
