Reseı BAQ-tary Qazaqstan áskerin Sırıadaǵy soǵys alańyna jiberýdi suraǵany jóninde aqparat taratqany habarlanǵan. Osy másele boıynsha QR Májilis depýtaty, Halyqaralyq ister, qaýipsizdik jáne qorǵanys jónindegi Komıtet tóraǵasy Máýlen Áshimbaev «Saıasat» portalyna bergen suhbatynda «Qazaqstannan ásker jiberileginniń ózinde, olar qandaı da bir taraptyń atynan shyqpaıtyn bolady», dedi.

Sondaı-aq, Máýlen Saǵathanulynan reseılikterdiń QR Qarýly kúshteriniń Sırıa soǵysyna attanýyn qalaıtyny jóninde surastyrǵanda, depýtat mundaı aqpardan habarsyz ekenderin jetkizdi.

«Eger Qazaqstan áskeri Sırıaǵa attansa, olar qandaı da bir tarapty qoldamaıtynyn, urys alańyn sheshýde emes, BUU qamqorlyǵymen ótkizilgen beıbit túrdegi mısıalarǵa atsalysatyn bolady. Al qazaqstandyq áskerdi soǵys alańyna jiberý týraly sheshim josparda joq. Ol tipti qarastyrylmaıdy da. Qarastyrylatyn bolsa, zańnamaǵa sáıkes biz Qazaqstan jaýyngerlerin Sırıaǵa BUU sheshimimen bitimge kelý maqsatynda jiberemiz.

Aqparatty túpkilikti zerdeleý qajet. Mundaı aqparattyń taralýyn óz basym durys dep eseptemeımin.

Biz saıası dıalogty qoldaımyz, ári Sırıadaǵy qaqtyǵystan shyǵý joldaryn izdestirý jónindegi kelissózderdi áli de jalǵasytyrp kelemiz».

Aıta keteıik, Reseı Sırıaǵa qazaqstandyq jáne Qyrǵyzstan áskerin jiberý týraly kelissózderdi júrgizdi. Bul týraly Qazaqstan jáne Qyrǵyzstan bıligimen kelissózder týrasynda Reseıdiń memlekettik dýma komıtetiniń basshysy Vladımır Shamanov aıtty. Túrkıa prezıdentiniń ókili de Sırıaǵa Qazaqstan men Qyrǵyzstan áskerin kirgizý múmkin ekenin habarlady.

Sholýshy: Gúlim Jaqan