Sońǵy kezde "Kelesi Prezıdent kim bolady?" degen saýal jeldeı esip tur. Men ondaı saýalǵa "Kelesi prezıdent te qazirgi prezıdent bolady" dep jaýap beremin. Sebebi, túsinikti. Qazirgi prezıdent ázirshe qyzmetinen bas tartqaly otyrǵan joq. Al, endi keıbir reıtıń agenttikterdiń, jeke tulǵalardyń qazirgi keıbir laýazymdylardy jipke tizip alyp solardyń arasynan prezıdent izdeıtinderine kúlkim keledi. Sonda qazaq halqy osy bir at tóbelindeı sheneýnikterge kúni qarap qalyp pa eken?! Bireýler tipti "osy bolady-aý" dep bal ashyp alyp qazirden jaǵympazdanyp, jalbaqtaýdy bastap ketkenderin qaıtersiń. Tragıkomedıa!!! Aý, jigitter! Bularyń uıat! Aldymen Konstıtýsıaǵa engizilgen ózgeristerdi, ózge de zańdy oqyp alaıyq. Nazarbaevtan keıingi prezıdentte qazirgideı keń quziret bolmaıdy. Parlamentke birshama bılik berilmek. Jalpy bılik tarmaqtarynyń arasynda birshama tepe-teńdik ornaıtyn túri bar? Sondyqtan, endigi jerde "kelesi prezıdent Anaý bolsa, Mynaý bolsa eken" dep dalbasalaýdy qoıaıyq! Esesine, qazirge deıin jóni túzý saıası partıa, qozǵalystardyń áli qalyptaspaı qoǵamda is júzinde plúralızmniń ornyqpaı jatqanyn eskerip Parlamentti partıalyq tizimmen jasaqtaımyz ba, álde, bir mandatpen jeke tudǵalardy tańdap saılaǵan durys pa? Jalpy saılaý júıesin qalaı jetildiremiz? Mine, osyǵan bas qatyrǵanymyz abzal bolar-aý!

Qýandyq Shamahaıdyń jeke paraqshasynan