Nú-Iorktaǵy EcoHealth Alliance zertteý uıymy «álemdik qaýyp kartasyn» jasap shyǵardy. Onda Latyn Amerıkasy adamzattyń densaýlyǵyna qaýip tóndiretin vırýstar ordasy retinde kórsetilgen dep jazady Qamshy aqparattyq agenttigi.

EcoHealth Alliance zertteýshileri sútqorektiler men vırýstardy, olardyń adammen qarym-qatynasyn zerttedi.

Olardyń esebinde jarqanattar eń qaýipti janýar retinde kórsetilgen.

Ǵalymdar ózderi jınastyrǵan málimetter SPID, Ebola nemese tumaý sekildi aýrýlardyń aldyn-alýǵa kómektesedi dep esepteıdi.

Eń qaýipti ınfeksıa adamǵa janýardan juqqan. Ebolanyń keń etek jaıýýyna jarqanattar sebepshi bolǵan. Al VICH adamdarǵa maımyldan berildi.

EcoHealth Alliance mamandarynyń aldynda kezekti epıdemıa qaı jerde paıda bolýy múmkin ekenin boljaý mindeti tur. Ol úshin mamandar sútqorektiniń belgili 754 túrinde kezdesetin 586  vırýsty zertteýine týra keldi. Munda adamdar men sútqorektilerdi juqtyrta alatyn 188 zoonozdy juqpa kiredi. Olardyń keıbiri búge-shúgesine deıin zerttelgen. Ǵalymdar vırýsty taratýshylardyń qaısysy adamǵa berilýi múmkin ekenin bilgisi keldi.

Olardyń jumystary Nature jýrnalynda jarıalandy. Onda jarqanattar tasymaldaıtyn 17 ınfeksıa atalǵan. Jáne kemirgishter taratatyn 10 ınfeksıa kórsetilgen.

Osydan keıin mamandar janýarlar men ınfeksıa túrleri álemniń qaı túkpirinde kóp shoǵyrlanǵanyn anyqtap, onyń kartasyn jasap shyqty.

Zertteýdiń avtorlary olar qurǵan karta álem boıynsha kelesi epıdemıanyń aldyn-alýǵa kómektesedi dep úmittenedi.

«Adamdardyń qorshaǵan ortaǵa áserinen epıdemıa bolady degendi jetkizgimiz keledi. Adamzat jabaıy tabıǵatqa aralasýdy barynsha azaıtýy qajet. Ańshylyqqa shyǵyp, jabaıy ańdar meken etetin ortany joıýdy toqtatý kerek» dedi zertteýshilerdiń biri Kevın Olıval.

EcoHealth Alliance jańa maqsatyn aıqyndady. Olar endi juqpaly aýrýlardy taratatyn qustardy zerttep kórmek.

Daıyndaǵan: Ásem Álmuhanbet