Almatyda Toyota Land Cruiser Prado-men Hyundai Accent-tiń soqtyǵysýynan 9 adam zardap shekti, dep habarlaıdy Qamshy.kz aqparat agenttigi QazAqparatqa silteme jasaı otyryp. Oqys oqıǵa tańǵy saǵat 5-6 shamasynda bolǵan.
Alǵashqy málimet boıynsha, Toyota Land Cruiser Prado Qabanbaı kóshesinde baǵdarshamnyń qyzyl túsine ótip ketken. Ol Fýrmanov kóshesimen kele jatqan Hyundai-ǵa qaǵyp ótedi. Soqqydan Hyundai turaqtaǵy Gazel kóligine baryp soǵylady. Hyundai kóligindegi jolaýshylardyń birin alyp shyǵý úshin gıdravlıkalyq quraldar paıdalanýǵa týra keldi.
Jol apatynan barlyǵy 9 adam japa shekken. Prado kóliginiń júrgizýshisi óte aýyr jaǵdaıda aýrýhanaǵa jetkizildi. Jol apatynyń sebepterin jol polısıasy anyqtap jatyr.
