Astanada sol jaǵalaýdaǵy biraz kóshelerdiń turǵyndary sý qubyryndaǵy apat saldarynan aýyz sýsyz qaldy dep habarlaıdy Qamshy.kz aqparat agenttigi. Bul týraly Esil aýdany ákimdigi Feısbýktegi paraqshasyna jarıalady.
«Qurmetti, Esil aýdanynyń turǵyndary! Búgin, 23 shildede saǵat 06:35-te Syǵanaq pen Saýran kósheleriniń qıylysynda sý qubyry jarylǵan edi. Qazirgi ýaqytta «Astana Sý Arnasy» MQK jarylǵan jerden sý aǵynyn toqtatý, sý aıdaý jumystaryn júrgizýde. Qazir qansha turǵyn úıge aýyz sý berý shekteletini belgili bolady. Aqaýdy joıǵanǵa deıin sýdy kólikpen tasý uıymdastyrylady», - delingen habarlamada.
