Pavlodar oblysynda 2017 jylǵy qańtar-maýsymdaǵy tutyný baǵasynyń ındeksi 104,9% qurady. Azyq-túlik taýarlarynyń baǵasy 5,5%-ǵa, azyq-túlik emes taýarlary 2,9%-ǵa, aqyly qyzmetter 6,2%-ǵa ósti, dep habarlaıdy Qamshy.kz aqparat agenttigi pavlodarnews.kz-ke silteme jasaı otyryp. 2017 jylǵy qańtar-maýsymdaǵy oblystyń azyq-túlik naryǵynda et (et ónimderin qosa) baǵasynyń 7,3%-ǵa, balyq jáne teńiz ónimderi - 2,6%-ǵa, nan taǵamdary jáne jarma ónimderi - 0,2%-ǵa qymbattaýy baıqaldy.

Sút ónimderiniń baǵasy 1,8%-ǵa, ashshy sút ónimderi - 2,3%-ǵa kóterildi. Maı jáne toń maı tobynda kúnbaǵys maıy 10%-ǵa tómendedi. Jumyrtqa bólshek saýda baǵasy 42%-ǵa kemidi. 2017 jylǵy qańtar-maýsymda kókónister baǵasy 43,8%-ǵa qymbattady, sonyń ishinde pıaz, qyryqqabat 2 ese, kartop 94,4%-ǵa, sábiz - 88,2%-ǵa, qyzylsha - 78,3%-ǵa. Jemisterdiń baǵasy 8,5%-ǵa joǵarylady.

Kondıterlik ónimder baǵasynyń deńgeıi 5%-ǵa ósti, al qant baǵasy 1,1%-ǵa tómendedi. Alkogólsiz sýsyndar 3,8%-ǵa, temeki ónimderi 2,5%-ǵa, alkogóldi ishimdik ónimderi 2,3%-ǵa qymbattady. Sondaı-aq, azyq-túlik emes taýarlary naryǵynda shyny jáne qyshtan jasalǵan ónimder baǵasy 1,5%-ǵa, kıim jáne aıaq kıim - 2,9%-ǵa, farmasevtıkalyq ónimder - 2,7%-ǵa, jýǵysh jáne tazalaǵysh quraldardyń 0,9%-ǵa ósýi baıqaldy. Janar-jaǵarmaı materıaldarynyń baǵasy 4,9%-ǵa qymbattady.

Aqyly qyzmetter boıynsha, turǵyn úı-kommýnaldyq qyzmetteri 12,9%-ǵa ósti, sonyń ishinde sýyq sýmen jabdyqtaý baǵalary 21,8%-ǵa, ortalyqtan jylytý - 19,9%-ǵa, elektr energıasy - 16,8%-ǵa, ystyq sýmen jabdyqtaý 7,3%-ǵa, káriz - 4%-ǵa. Ambýlatorlyq qyzmetteriniń baǵa deńgeıi 7,4%-ǵa, saqtandyrý jáne quqyqtyq qyzmetteri - 7%, shashtarazdar men jeke qyzmet kórsetý oryndarynyń qyzmetteri - 2,9%-ǵa, kólik qyzmetteri - 2,3%-ǵa, bilim berý - 1,2%-ǵa ósti.