Jarylǵysh zat toltyrylǵan kólik Sırıanyń soltústik-batysynda ornalasqan Idlıb aımaǵynda ortalyǵynda jaryldy. Saldarynan áskerılermen qosa 50 adam qaza tapty, dep habarlaıdy Qamshy.kz aqparat agenttigi Al-Maıadın arnasyna silteme jasap.

Derekterge sáıkes, jarylǵan kólik «Djebhat an-Nýsra» atalatyn terorıstik topqa tıesili bolǵan.

Arabıalyq BAQ málimetterinde kórsetilgendeı, Idlıb qalasy «Ahrar ash-SHam» terrorısterimen bolǵan sońǵy qarqynda kúresten soń «Djebhat an-Nýsra» tobynyń baqylaýyna kóshken bolatyn.

Ótken aptanyń jumasynda Reıter agenttigi «Ahrar ash-SHam» jáne «Djebhat an-Nýsra» terrorlyq toptardyń Idlıb aýdanynda ózara qarýly qaqtyǵystardy doǵarýǵa daıyndyq júrgizip jatqandyǵyn habarlaǵan bolatyn.

«Ahrar ash-SHam» - negizgi bazasy Idlıb aımaǵynda ornalasqan Sırıadaǵy eń iri terrorlyq toptardyń biri.