Elektr energıasyna qatysty Qazaqstan men Qyrǵyzstan arasyndaǵy kelissózder tabysty bolmaı shyqty. Al Ózbekstan bir mámilege kelip, 16 maýsymda bastalǵan elektr energıasyn satyp alý isine qatysty uzaq merzimge kelisimshart jasasty. Bul jaıynda Qyrǵyzstannyń «Elektr stansıalary» AQ málimdedi, dep habarlaıdy Qamshy.kz aqparat agenttigi centralasian.org saıtyna silteme jasap.

Kompanıanyń málimetinshe, bıyl Toqtaǵul sý qoımasyndaǵy sý artyq bolady degen boljam bar. «Elektr stansıalary» AQ tarapynan Qazaqstan jáne Ózbekstan elderimen kelissózder jasalǵan bolatyn. Nátıjesinde, Ózbekstanmen bitimge kelip, kelisimshart jasasqan. Ózbekstanǵa 2 sent baǵamen elektr energıasyn tasymaldaý isi 16 maýsymda bastalǵan bolatyn.

Alaıda, elektr energıasyn mundaı kólemde eksporttaý jetkiliksiz bolyp otyr. Sebebi Toqtaǵul sý qoımasyndaǵy sý mólsheri óz deńgeıinen asyp ketý qaýipi bar.

Memlekettik eenergıa holdıńiniń málimetinshe, sý resýrstaryn basqarý úshin elektr energıasyn eksporttaýǵa qatysty máseleler  bıylǵy jyldyń aqpan aıynda bastalǵan. Sý tolyp ketken jaǵdaıda, Toqtaǵul bógeti arqyly tehnıkalyq sý shyǵarylymdaryn jasaý qajet.