Aýǵanstannyń Kandagar provınsıasynda belgisiz qarýly top 7 turǵyndy óltirip, 70-ten astamyn urlap áketken dep habarlaıdy Qamshy.kz aqparat agenttigi TASS-qa silteme jasap. Polısıa shabýyldy «Talıban» radıkaldy qozǵalysynyń sodyrlary jasady dep kúdiktenip otyr. Qazir tártip saqshylary tutqyndaǵy 30 adamdy azat etken. Qalǵandarynyń hali belgisiz. Al úkimet kúshteri birneshe kúnnen beri el aýmaǵynyń ondaǵan aımaǵynda arnaıy operasıa júrgizip jatyr. Sarbazdar sońǵy bir kúnniń ishinde 60-qa jýyq sodyrdyń kózin joıǵan.
Aıta keteıik, qazir Aýǵanstanda tálipter iri qalalarǵa shabýyldaryn jıiletken. Sonymen qatar «Irak jáne Levant lańkestik uıymy» da óz yqpalyn nyǵaıtýǵa kúsh salyp jatyr.
