XIIİ «Eýrazıa» Halyqaralyq kınofestıvaliniń negizgi konkýrsyna qatysatyn fılmderdiń kórsetilimderi bastaldy dep habarlaıdy Qamshy.kz aqparat agenttigi Eýrazıa kınofestıvaliniń baspasóz qyzmetine silteme jasap. Kórsetilimder Chaplin Cinemas (Mega Silk Way) kınoteatrynda ótip jatyr. Búgin negizgi konkýrsqa qatysatyn 13 fılmniń 3-i kınosúıer qaýymǵa usynyldy. Olar: «Kentavr» (Qyrǵyzstan), «Tynyshtyq daýysy» (Úndistan), «Aqymaq qus»(Qytaı). Ár kórsetilimniń sońynda kórermender fılm avtorlaryna óz saýaldaryn qoıyp, oılarymen bólisti. Sondaı-aq, búginnen bastap qysqametrli fılmder konkýrsyna qatysatyn fılmderdiń de kórsetilimderi bastaldy. Konkýrsqa qatysatyn 30 fılm bes topqa toptastyrylǵan.
Negizgi konkýrsqa qatysatyn fılmder týraly aqparat:
«Kentavr» fılminiń anotasıasy: Aıly túnde ataqty sáıgúlik joǵalady. Kásipker Qarabaı Sadyr degen at urlaýshydan kúdiktenedi. Sáıgúlikti tapqan Sadyr naǵyz uryny tabýǵa kirisedi. Ury Kentavr degen laqap atty Qarabaıdyń týysqany bolyp shyǵady. Fılmniń negizgi ózegi onyń mundaı áreketke ne sebepti barǵanyn anyqtaý bolyp tabylady.
«Kentavr» fılminiń rejıseri: Aqtan Arym Qubat −1957 jyly Qyrǵyzstannyń Shý oblysy Kýntýý aýylynda týǵan kınorejısser, senarıst, prodúser, akter. Qyrǵyz Respýblıkasy Ulttyq kınoakademıasynyń akademıgi, Eýropa kıno óneri akademıasynyń tolyqqandy múshesi. Qyrǵyz Respýblıkasynyń halyq ártisi. Lokarno (Shveısarıa) HKF «Kúmis leopard» júldesiniń, Kann jarnama festıvaliniń (Fransıa) «Qola Arystan» júldesiniń, FIPRESCI halyqaralyq kınosynshylary júldesiniń laýreaty, Kann kınofestıvaliniń Un Certain Regard jáne La Quinzaine des Realisateurs, Berlın kınofestıvaliniń Panorama jáne basqa da festıvál seksıalarynyń qatysýshysy.
«Tynyshtyq daýysy» fılminiń anotasıasy: Gımalaıda týǵannan anasynan aırylǵan panasyz mylqaý bala turady. Ákesi qamaýǵa túsedi de, bala jalǵyz qalyp, ómirdiń nebir qıyndyqtaryna urynady. Barar jeri, basar taýy qalmaǵanyn túsingen ol býdda shirkeýine barady.
«Tynyshtyq daýysy» fılminiń rejıseri: «D-r Bıdjý (Bıdjýkýmar Damodaran) Úndi kınorejısseri, Úndistan Ulttyq kıno júldesiniń úsh dúrkin jeńimpazy. Onyń tyrnaqaldy «Saıra» atty kartınasy Kannda kórsetilgen. Ulttyq jáne halyqaralyq kınofestıvalderdiń marapattaý saltanattarynda qazylar múshesi retinde birneshe ret qatysqan.
«Aqymaq qus» fılminiń anotasıasy: Lınn ájesi men atasynyń qolynda ósken. Anasy kelip, ony ýnıversıtetke oqýǵa túsýge májbúrleıdi. Onyń jalǵyz jubanyshy – Maımen ekeýiniń arasyndaǵy dostyq. Ekeýi birigip urlanǵan telefondardy satady. Bir kúni Lınniń anasy úıge erterek qaıtady…
«Aqymaq qus» fılminiń rejıserleri: Hýan Szı Huang Ji Hýnan provınsıasynda týǵan. Pekın kınoakademıasynda sahnalyq ónerdi oqyǵan (2003– 2007). «Jumyrtqa men tas» degen tyrnaqaldy týyndysy Rotterdam HKF Hivos Tiger Award júldesine ıe bolǵan
Rúdzı Osýka 1972 jyly Tokıoda týǵan. Japon telearnasynda derekti fılmder túsirgen. 2005 jyly Qytaıǵa kóship kelgen soń kınematogra- fıst retinde fılmder túsire bastady.
