Tórt salmaq dárejesi boıynsha burynǵy álem chempıony, Halyqaralyq boks dańqynyń múshesi panamalyq Roberto Dúran boks týraly Boxing News jýrnalyna bergen suhbatynda qazaqstandyq Gennadıı Golovkın týraly ne oılaıtynyn aıtty, - dep habarlaıdy Qamshy.kz aqparat agenttigi Vesti.kz saıtyna silteme jasap.

"Árıne, qazir ýaqyt basqa jáne uly boksshylar da az, esesine aqsha kóp. Golovkın, onymen eseptespeýge bolmas. Ony jeńý úshin jan-jaqtan soqqy jasaýǵa májbúrleý kerek, óıtkeni ol saǵan tik júrse, seni óltirýge tyrysady. Ony aınalyp júrip esin shyǵarý kerek, onyń ústine soqqy jasaýǵa daıyndaldyrmaý kerek, sosyn ǵana onymen judyryqtasqan jón", - deıdi Dúran. 

Munyń aldynda Dúran Golovkın-Alvares jekpe-jegine qatysty aıtqan sózinde meksıkalyq boksshy jeńedi degen bolatyn. Onyń sózinshe, Golovkın sońǵy jekpe-jeginde nashar judyryqtasty.

Aıta keteıik, Golovkın-Alvares jekpe-jegi 16 qyrkúıekte Las-Vegasta ótedi.