Ońtústik Qazaqstan oblysynda para alǵan eki sheneýnik áshkerelendi, - dep habarlaıdy Qamshy.kz aqparat agenttigi.
Bul jaıynda sybaılas jemqorlyqqa qarsy is-qımyl ulttyq búrosynda málimdendi.
"23 shildede sybaılas jemqorlyqqa qarsy is-qımyl agenttiginiń Ońtústik Qazaqstan oblysy boıynsha departamenti OQO tekserý komısıasynyń tóraǵasy S.Shalabaı men oblystyń tekserý komısıasynyń bas aýdıtory B.Qudıarovtyń 7 mıllıon teńge kóleminde para alǵanyn áshkereledi. OQO tekserý komısıasynyń tóraǵasy S.Shalabaı Shymkent qalalyq İİB ýaqytsha ustaý ızolátoryna qamaldy. Al B.Qudıarov qylmysyn tolyqtaı moıyndaýyna baılanysty qamalǵan joq", - dep habarlady Ulttyq búronyń baspasóz qyzmetindegiler.
Sotqa deıingi tergeý júrgizilip jatyr.
