«Báıterek» UBH» AQ-nyń enshiles uıymy bolyp tabylatyn «Tehnologıalyq damý jónindegi ulttyq agenttik» AQ (budan ári «TDUA» AQ), QR Investısıalar jáne damý mınıstrligimen birlesip ınovasıalyq jobalardy granttyq qarjylandyrýdyń jańa baǵdarlamasyn júzege asyrýdy bastaıdy dep habarlaıdy Qamshy.kz aqparat agenttigi. Bul týraly «TDUA» AQ basqarma tóraǵasy Marat Omarov habarlady.
Inovasıalyq granttardy alýǵa ótinimder 2017 jyldyń 2 tamyzynan bastap 2 qazan aralyǵynda qaǵaz túrinde qabyldanady, sonymen birge, Digital Baiterek ınternet portaly arqyly berýge bolady.
«Biz bıznes prosesterdi qaıta ınjenerleýdi ótkizdik jáne granttardy berý sharttaryn jaqsarttyq. Eger buryndary jıi bıznes úshin tartymsyz bolyp tabylatyn jáne sońǵy ónimdi shyǵarýdy qarastyrmaıtyn granttyń 9 túrli túrleri qarastyrylǵan bolsa, al qazirgi tańda, olardy qarjylandyrýdy shekteý aıtarlyqtaı ulǵaıyp 3 túrge toptastyryldy» - dep «TDUA» AQ basshysy Marat Omarov atap ótti.
Jumys istep turǵan kásiporyndardyń tehnologıalyq damýyna ınovasıalyq granttardy berýdiń jańa erejelerine sáıkes, granttyń somasy lısenzıalyq shart boıynsha dáleldengen shyǵyndardyń 70% deıin jáne (nemese) jabdyqtardy satyp alý úshin dáleldengen shyǵyndardyń 50% deıin quraıdy, aqshalaı túrde 400 mln. teńgege deıin.
Grant ozyq/qazirgi zamanǵy otandyq jáne sheteldik tehnologıalardy transfertteý arqyly kásiporyndardyń tehnologıalyq deńgeıin arttyrýǵa baǵyttalǵan.
Salalardyń tehnologıalyq damýyna granttyń kólemi, lısenzıalyq shart boıynsha dáleldengen shyǵyndardyń 70% deıin jáne jabdyqtardy satyp alý úshin dáleldengen shyǵyndardyń 50% deıin jáne tehnologıalyq quziretti arttyrý boıynsha dáleldengen shyǵyndarǵa ketken shyǵystardyń 85% deıin quraıdy, aqshalaı túrde 500 mln. teńgege deıin.
Grant negizinen tájirıbege, bilimge, daǵdylanýǵa, ozyq jáne qazirgi zamanǵy otandyq jáne sheteldik tehnologıalardy transfertteý arqyly jumys istep turǵan salalardyń damýyna baǵyttalǵan.
Tehnologıalardy komersıalaý grantynyń kólemi, dáleldengen shyǵyndardyń 50% deıin quraıdy, aqshalaı túrde 200 mln. teńgege deıin.
Grant óz óndirisinde ǵylymı jáne ǵylymı-tehnıkalyq qyzmet nátıjelerin engizýge baǵyttalǵan.
Grant túrleriniń árqaısysy boıynsha ıgerý merzimi 36 aıdan aspaýǵa tıis.
Jalpy, 2011 jyldan bastap 2016 jyl aralyǵynda jalpy somasy 12,2 mlrd. teńgege 328 shart jasaldy, sonymen qatar, 2016 jyly 1,9 mlrd. teńge somaǵa 66 shart jasaldy.
Jalpy alǵanda, granttyq qarjylandyrý baǵdarlamasyn júzege asyrý oń áleýmettik-ekonomıkalyq dınamıkany kórsetýde. Osylaısha, grant alýshylardyń málimeti boıynsha, 2014 jyldan bastap 2017 jyldyń 1-shi jarty jyldyǵy aralyǵynda, ınovasıalyq granttardy júzege asyrý nátıjesinde 2773 jumys orny quryldy, 7,6 mlrd. teńgeden astam qarjylyq salyqtar tólendi, 131,4 mlrd. teńgeden astam somaǵa ónimder óndirildi.
Tehnologıalyq damý jónindegi ulttyq agenttigi (TDUA) ınovasıalyq damý prosesterin úılestirýdi qamtamasyz etý úshin jáne memlekettik qoldaý sharalaryn usynýda járdemdesý úshin qurylǵan.
TDUA AQ «Báıterek» Ulttyq basqarýshy holdıń» AQ qurylymyna kiredi.
