Kezdesý aıasynda qala basshysy qonaqtardy Elbasynyń tapsyrmasymen iske asyrylǵan 2020 jylǵa deıingi Astananyń damý josparymen tanystyrdy. Ákim kezdesýge kelgenderge baǵdarlamanyń baǵyttarynyń biri - Astana xalyqaralyq qarjy ortalyǵyn qurýmen elordamyzdy aqyldy ári qaýipsiz qala, óńirlik halyqaralyq ortalyq retinde qalyptastyrý jóninde aıtyp berdi.

Qazaqstan tarapynan naqty jobalar usynyldy: qoǵamdyq kólik, densaýlyq saqtaý, bilim, qaýipsizdik jáne ákimdik jáne qalalyq qyzmette jumystyń shynaıylyǵy syndy salada qalalardy josparlaý jáne basqarý júıesine smart-texnologıalardy engizý. 

Kezdesý qorytyndysy boıynsha taraptar úsh baǵytta jobalardy birlesip iske asyrýǵa jáne yntymaqtastyq ornatýǵa kelisti.

Birinshi- Sıngapýr eliniń tájirıbesin zerdeleý jáne ony Astanada engizý, «aqyldy» ınfraqurylym boıynsha reglamentterdi engizý men jumysty uıymdastyrý, sıfrlyq ınjınırıń, jobalaý kezinde bım-tehnologıany qoldana otyryp «jasyl» qurylysta, qurylys salýǵa ruqsat qaǵazdaryn alýda, qurylys jáne ǵımarattardy basqarýda sıngapýrlyq ádis-tásilderdi úırený jáne ony óz elimizde qoldaný. Energıany únemdeıtin tehnologıalardy qoldana otyryp «jasyl» qurylystyń máselesi jeke qaraldy. Sıngapýrda jeke «jasyl» standart ázirlengen, sol «jasyl» standartqa sáıkes ǵımarattar sany qazirgi ýaqytta 33 paıyzdy qurap otyr.

Ekinshi kelisim qoǵamdyq kólik, turaqtar, joldar qurylysyn josparlaý, sondaı-aq qoǵamdyq kólik salasynda yntymaqtastyq jasasýǵa baılanysty boldy, aqparattyq tehnologıalardy engizý jáne t.b. máseleler qarastyryldy. 

Úshinshi- smart-tehnologıalardy qoldanýmen qoǵamdyq densaýlyq saqtaý salasynda yntymaqtastyqty arttyrý josparlanýda.