26-30 shilde aralyǵynda Astanada Jambyl oblysynyń kúnderi ótedi. «Uly Jibek joly. Kóne Tarazdan asqaq Astanaǵa tartý» kerýeni eki aı jol júrip 26 shildede Astanaǵa keledi. Jambyl oblysynyń 12,9 myń tonna ónimi jármeńkege qoıylatyn boldy. Onda aýyl sharýashylyǵy taýarlary naryq baǵasynan 10-20% tómen baǵamen satylady. Jambyl oblysynyń Astanadaǵy kúnderin mádenı sharalar qorytyndylaıdy dep habarlaıdy Qamshy.kz aqparat agenttigi.
«EKSPO-2017» halyqaralyq kórmesi aıasynda ótetin shara jaıly óńir basshylary Ortalyq komýnıkasıalar qyzmetinde ótken baspasóz konferensıa barysynda aıtty. Baspasóz konferensıaǵa Jambyl oblysy ákiminiń orynbasary Erqanat Manjýnov, Aýyl sharýashylyǵy basqarmasynyń basshysy Nurjan Nujigitov jáne Mádenıet, arhıvter jáne qujattama basqarmasynyń basshysy Dúısenalı Byqybaev qatysty.
-20 mamyr kúni «Uly Jibek joly. Kóne Tarazdan asqaq Astanaǵa tartý» kerýeni uzaq jolǵa shyqty. Kerýen «Uly Jibek joly» boıyndaǵy saýda, mádenıet, órkenıettiń rýhanı ortalyǵy bolǵan Ejelgi Tarazdyń tarıhymen tanystyrý maqsatynda «EKSPO-2017» kórmesine keledi. Kerýendi qarsy alý sharalary 26 shilde «Hanshatyr» oıyn-saýyq ortalyǵynyń «Ǵashyqtar saıabaǵynda» ótedi, - dedi Jambyl oblysy ákiminiń orynbasary Erqanat Manjýov
Jambyl oblysy alǵash ret komandalyq alańdaǵy toǵyzqumalaq oıynynyń tusaýkeser rásimin ótkizedi. Oblystyń Astanadaǵy kúnderi aıasynda «Etnoaýyl» qalashyǵy mańynda qazaq kúresi, asyq atý, bes tas, toǵyzqumalaq, alańdaǵy toǵyzqumalaq oıyndarynyń kórsetilimimen qatar qusbegilik jáne tazy, tóbet ıtter kórmesi uıymdastyrylady. Ulttyq at sport túrleri kókpar, aýdaryspaq, teńge ilý, jamby atý oınatylady. Atalǵan sharalar 29-30 shilde kúnderi bas qaladaǵy «Qazanat» ıpodromynda ótedi. Sonymen qatar, bıyldyń ózinde Astanaǵa altynshy márte kelgen jármeńke keń aýqymda ótedi. Óńirdiń taýarlaryn «Qazaqstan» sport kesheninen satyp alýǵa bolady.
Mádenıet, arhıvter jáne qujattama basqarmasynyń basshysy D. Byqybaev mádenı sharalardyń kestesimen tanystyra kele, EKSPO aýmaǵyndaǵy «Amfıteatrda» oblystyq fılarmonıanyń «Áýeni ásem Áýlıe ata!» atty 500 ónerpazdyń qatysýymen ótetin merekelik konsert bolatynyn atap ótti. 30 shildede «Han Shatyr» oıyn-saýyq ortalyǵy janyndaǵy alańda «Jambylym qandaı tamasha!» atty shyǵarmashylyq konsert jáne estrada juldyzdarynyń qatysýymen ótetin gala-konsertpen Jambyl oblysy kúnderiniń jabylýy ótedi.
