Qarjy sarapshylary osyndaı boljam jasap otyr. Teńge baǵasy, ásirese, qarashanyń sońyna qaraı syr berýi yqtımal . Bul týraly Qamshy.kz aqparat agenttigi KTK málimetine súıenip habarlaıdy.

Sarapshylardyń pikirinshe, munaı baǵasynyń túsýine baılanysty búdjet shyǵynyn jabý kerek. Sonymen qatar, túrli jobalarǵa jumsalǵan qarjy men bankterdi qoldaýǵa bólingen mıllıondardyń ornyn toltyrý mindeti tur.

Aınalyp kelgende, memleket munyń bárin teńgeni álsiretýdiń esebinen júrgizýi múmkin deıdi biletinder. Óıtkeni, qazirgi ýaqytta ekinshi deńgeıli bankter japatarmaǵaı dollardy satyp alyp jatyr eken. Osyndaı jaǵdaı eki jyl buryn da bolǵan edi. Sol kezde teńge qatty quldyrap, qara halyq san soǵyp, bankter paıdaǵa kenelgen bolatyn.

“Meniń oıymsha, bıyl qarasha aıynyń basynda nemese sońyna qaraı Ulttyq bank teńge baǵamyn arzandatady. Naqty baǵasyn da aıta alamyn: dollar quny shamamen 420-450 teńgeniń aınalasynda bolady. Biz, árıne, tek boljaımyz. Biraq, boljamymyz osyndaı”, – dedi TeleTrade Central Asia sarapshylar tobynyń jetekshisi Sergeı Polygalov.