Búgin halyqaralyq taýar bırjalarynda munaı baǵamy taǵy ósti dep habarlaıdy Qamshy.kz aqparat agenttigi 24.kz-ke silteme jasaı otyryp.

London bırjasynda Brent markaly altynyń quny 0,78%-ǵa kóterilip, 50,59 dollarǵa jetti. WTI markaly munaıdyń kórsetkishi bolsa 1%-ǵa artyp, 48,37 dollardy quraǵan. Al qara altyn baǵamynyń ósýine ótken kúni Amerıkalyq munaı ınstıtýtynyń jarıalaǵan málimeti sebep bolyp otyr. Oǵan sáıkes AQSH-taǵy munaı qory 10,2 mln. barelge azaıǵan.

Bul boljalǵan mólsherden 4 ese az. Endi búgin AQSH energetıka mınıstrliginiń málimeti shyǵýy tıis. Aıta keteıik, munaı baǵamy dúısenibden beri ósip keledi. Oǵan Saýd Arabıasynyń tamyzdyń birinen bastap munaı óndirý kólemin kúnine 1 mln. barelge azaıtatyny týraly málimdemesi sebep.