Bul týraly búgin Úkimet úıinde «100 naqty qadam» Ult josparynyń áleýmettik jáne bilim salalarynyń júzege asyrylýyna arnalǵan brıfıńte QR Bilim jáne ǵylym mınıstri Erlan Saǵadıev aıtty, dep habarlaıdy  Qamshy.kz aqparat agenttigi.

«Bıyl aǵylshyn tili kýrstaryna 12 myń muǵalim jazylǵan. Onyń ishinde 4 myń muǵalim aǵylshyn tili kýrstaryn bastap ketti. Jańa oqý jylynan bastap 8 myń muǵalim oqýdy bastaıdy. Kýrs 3, 6, 9 aı bolyp bólinedi. Eger muǵalim 9 aılyq kýrstan ótetin bolsa, onda onyń jumys orny, jalaqysy saqtalyp, qosymsha shákirtaqysy  tólenedi. Jol shyǵyny óteledi. Kýrsty aıaqtaǵannan keıin aǵylshyn tilinde sabaq bere alatyn bolsa jalaqysyna 25% ústeme qosylady»,-  dedi Erlan Saǵadıev.

2019 jyldan bastap 10-11 synyptarda keıbir pánder aǵylshyn tilinde oqytylatyn bolady. Sondyqtan qazirden bastap sol pán muǵalimderi tildik kýrstaryn oqyp jatyr.