«Talıban» áskerleriniń Aýǵanstannyń ońtústigindegi Kandagar provınsıasynyń áskerı bazasyna jasaǵan shabýylynyń saldarynan kem degende 26 áskerı qyzmetker qaza taýyp, 13-i aýyr jaraqat aldy, dep jazady Qamshy.kz aqparat agenttigi. Mınıstrliktiń resmı ókili Davlat Vazırıdiń habarlaýynsha, Hakrez aýdanyndaǵy Karzálaı áskerı bazasynda oryn alǵan shabýyl barysynda «Talıbannyń» 80 áskeri qaza tapty. Shabýyl 26 shildede boldy.
Azattyqtyń aýǵandyq redaksıasynyń málimetinshe, aýyr qaqtyǵysta eń azy 30 sarbaz kóz jumdy.
«Talıban» 74 áskerı qyzmetkerdi óltirgenderin jáne 6 adamdy ustaǵandaryn aıtyp, shabýyldyń jaýapkershiligin moıyndaryna aldy.
Aýǵanstannyń Qorǵanys mınıstrligi oqıǵa ornyna qosymsha kúshterdiń jiberilgenin málim etti.
