Qazaq tilindegi latyn álipbıi jyl sońyna deıin bolady. Bul týraly Astanada ótken baspasóz máslıhatynda bilim jáne ǵylym mınıstri Erlan Saǵadıev málimdedi, dep habarlaıdy Qamshy.kz aqparat agenttigi Azattyq radıosyna silteme jasap.
Mınıstrdiń aıtýynsha, qazir qazaq tilin latyn álipbıine kóshirý jónindegi arnaıy komısıa qurylyp, jumys istep jatyr.
"Bıylǵy jyly kóńilge qonymdy barlyq áripti qabyldaý qajet. Birneshe nusqa ázirlep, ony talqylaımyz. Sodan keıin latynǵa kóshý jumystarynyń josparyn túzý kerek" dedi mınıstr.
Qazaqstan prezıdenti Nursultan Nazarbaev osyǵan deıin "2025 jylǵa deıin Qazaqstan latyn álipbıine kóshýi tıis" dep málimdegen. Keı sarapshylar bul qadamdy "qazaq mádenıetin Reseıdiń yqpalynan qutqarý" amaly dep sanaıdy.
