QR Premer-Mınıstri Baqytjan Saǵyntaevtyń tóraǵalyǵymen ótken Úkimet otyrysynda «Nurly jol» ınfraqurylymdy damytýdyń memlekettik baǵdarlamasyn iske asyrýdyń birinshi jartyjyldyqtaǵy nátıjeleri qaraldy dep habarlaıdy Qamshy.kz aqparat agenttigi.
Ulttyq ekonomıka mınıstri T. Súleımenov memlekettik baǵdarlamany iske asyrýǵa 2017 jyly 484,2 mlrd. teńge qarastyrylǵanyn atap ótti. Qarajat kólik-logıstıkalyq jáne ındýstrıalyq ınfraqurylymdy damytý, jylýmen- sýmen jabdyqtaý jáne sý tartý, bilim berý salasynyń ınfraqurylymyn damytý, HQU-men jobalardy ortaq qarjylandyrý sekildi baǵyttar boıynsha jobalardy iske asyrýǵa bólinedi.
QR ınvestısıalar jáne damý mınıstri Jeńis Qasymbek avtojol jobalaryn iske asyrý, kólik-logıstıkalyq áleýetti damytý jumystary, sondaı-aq, temir jol ári áýe kólikterinde júk jáne jolaýshylar aǵynyn ulǵaıtý sharalary týraly baıandady.
Jalpy, «Nurly jol» baǵdarlamasy aıasynda ınfraqurylymdyq jobalardy keńinen júzege asyrý tasymaldardyń jyldamdyǵyn ulǵaıtýǵa, kólik shyǵyndaryn tómendetýge, tranzıttik áleýetti iske asyrý men servısti jaqsartýǵa múmkindik beredi. Bul Qazaqstannyń áleýmettik-ekonomıkalyq damýyna, ónimdilik pen iskerlik belsendiliktiń artýyna oń yqpal etedi.
Otyrysta QR bilim jáne ǵylym mınıstri E. Saǵadıev, «Samuryq-Qazyna» AQ basqarma tóraǵasy Ó. Shókeev, QR qarjy vıse-mınıstri T. Saveleva, «Báıterek» holdıńi tóraǵasynyń orynbasary A. Arıfhanov, Jambyl jáne Aqmola oblystarynyń ákimderi K. Kókirekbaev pen M. Myrzalın sóz sóıledi.
Máseleni qaraý qorytyndysyn shyǵara otyryp, QR Premer-Mınıstri Baqytjan Saǵyntaev QR Ulttyq ekonomıka mınıstrligine QR Qarjy mınıstrligimen jáne baǵdarlamalardyń ákimshilerimen birlesip, búdjettik qarajattardyń ýaqytyly oryndalýy men jobalardyń iske asyrylýyn turaqty baqylaýda ustaýdy tapsyrdy.
