Dúnıejúzilik fýtbol juldyzdary «Astana Arena» alańynda oınaıdy dep habarlaıdy Qamshy.kz aqparat agenttigi. Astanamyzda Halyqaralyq «Expo 2017 Football Cup» fýtbol týrnıri ótedi. Bul týraly pres-konferensıa barysynda «Astana EKSPO-2017» UK» AQ Damý jáne týrızm departamentiniń dırektory Allen Chaıjýnýsov habarlady. Ol óz sózinde osy týrnırdi Qazaqstan astanasynda alǵash ret oryn alatyn biregeı is-shara dep sıpattady.

«5-6 tamyzda Halyqaralyq «EXPO 2017 Football Cup» týrnıri ótedi. Qazaqstan, Reseı, Italıa, Germanıa, Portýgalıa jáne álem qurama komandalar «Astana arena» alańynda kezdesedi. Osy biregeı is-shara «Ańyzdar kýbogine» uqsas kelip Qazaqstan astanasynda alǵash ret ótkeli tur», - dep habarlaıdy Allen Chaıjýnýsov.

Qazaqstan Fýtbol Federasıasy prezıdenti Seılda Baıshakov memlekettik quramada Oleg Voskoboınıkov, Igor Avdeev, Andreı Karpovıch, Qaırat Aýbakırov, Murat Tleshev, Nurbol Jumaskalıev jáne Andreı Fınonchenko jáne basqa da otandyq fýtbol ardagerleri oınaıtynyn atap ótti. Sonymen qatar, ol Halyqaralyq týrnır aıasynda fýtbol jankúıerlermen kezdesý jáne sporttyq mektep tárbıelenýshilerine sheberlik sabaqtar ótetinin habarlady.  

«Týrnır sheńberinde birneshe sharalar ótedi. 4 tamyzda 17.30- da EKSPO-2017 kórmesindegi Amfıteatrda komandalardyń fýtbol jankúıerlerimen kezdesýi, foto jáne qoltańba qoıý sesıalary ótedi. 6 tamyzda saǵat 10.00-den 12:00-ge deıin balalar-jasópirimder sporttyq mektep tárbıelenýshilerine oıynshylar qatysýymen sheberlik sabaqtar uıymdastyrylady», – deıdi Seılda Baıshakov.

Uıymdastyrýshylardyń aıtýynsha, fýtbol jarysy bıletiniń quny 2000 teńge bolady, alǵan bılet arqyly keshki ýaqytta 18.30-dan keıin Halyqaralyq EKSPO-2017 kórmesin tamashalaýǵa bolady.