Aq úı antıreseılik sanksıalar týraly zańnamaǵa ózgeris ený múmkin ekenin aıtty, dep jazady Qamshy.kz aqparat agenttigi. Dese de prezıdent pen ákimshilik Máskeýge qarsy sharalardy qoldap otyr.
AQSH prezıdenti Donald Tramp, Aq úı jáne memleket ákimshiligi Reseı, Iran, Soltústik Koreıaǵa qarsy sanksıalardy qoldaǵanymen, túpkilikti sheshim qabyldanǵan kúnniń aldynda zańnamanyń ózgerýi múmkin ekeni habarlandy. Bul jóninde jýrnalıserge Aq úıdiń baspasóz hatshysy Sara Sanders habarlaǵan.
"Qosymsha ózgerister bolýy múmkin. Jáne túpkilikti sheshim qabyldaǵanǵa deıin ol ózgeristiń qandaı kórinis tabatynyn baqylaımyz», - dedi Sanders.
Sondaı-aq ol AQSH bıliginiń sanksıalyq rejımdi qoldaıtynyna kúmán keltirmeıtinin aıtty.
«Aq úı, prezıdent jáne ákimshilik Reseı, Iran, Soltústik Koreıaǵa qarsy sanksıalardy tolyqtaı qoldaıtynyn taǵy da qaıtalaımyn», - dedi AQ úı baspasóz hatshysy.
