23 shilde kúni Qaraǵandyda Ardaq Jumkeshov esimdi 20 jastaǵy jigit qaıtys boldy. Marqumnyń anasy balasynyń ólimine polısıa qyzmetkerleriniń qatysy bar dep otyr. Bul týraly Qamshy.kz aqparattyq agenttigi habarlaıdy.

Marqumnyń anasy Merýert Jumkeshovanyń aıtýynsha,  23 shilde túnde Qaraǵandy qalasynyń 14-yqsham aýdanynda Ardaqtyń oq atylǵan, jaraly denesi tabylǵan. Ardaq óler aldynda hat qaldyryp, onda polısıa qyzmetkerlerin kinálaǵan.

Merýert Jumkeshovanyń aıtýyna qaraǵanda polısıa oǵan balasynyń sýısıd jasap ólgenin aıtqan, tipti anasynan sot medısınalyq saraptamany qaıtara jasatpaýy týraly kelisime qol qoıýdy talap etken.

Ardaqtyń denesi atalǵan yqsham aýdanyndaǵy garajdardyń birinde tabylǵan.

Qaraǵandy oblystyq İİD-de atalǵan oqıǵa boıynsha Ardaq Jumkeshovtyń jol erejesin buzyp, mas kúıinde kólik aıdaǵanyn, osy oraıda ony tergeýge alǵanyn habarlady.  Al osy oqıǵa oryn alǵan kúnniń ertesinde Ardaq Jumkeshovtyń máıiti tabylǵan.

Oqıǵaǵa baılanysty tergeý áreketteri júrgizilýde.