Aqmola oblysynda jaqynda Orta Azıadaǵy eń iri kún elektr stansıasynyń qurylysy bastalady, dep jazady Qamshy.kz aqparat agenttigi.  Bul týraly Óńirlik komýnıkasıalar qyzmeti habarlady.

Selınograd aýdanynyń Qabanbaı batyr aýyly janynan turǵyzylatyn nysandy «KB Enterprises» atty sheteldik kompanıa qolǵa alypty. Investor bul jobaǵa 165 mıllıon evro qarjy quımaqshy. Al qýattylyǵy 100 MVt elektr stansıasyn salýǵa 300 ga. jer telimi bólingen. Nysannyń ınjenerlik merdigeri SUMEC CLEAN ENERGY INTERNATIONAL CO.LTD halyqaralyq holdıńi.

Qurylys jumystary, energetıka salasyndaǵy álemdik kóshbasshy ABB eýropalyq konsernimen birge júzege asyrylmaq. Atalǵan konsern elektr stansıasyna qajetti qondyrǵylardy ornatýmen aınalysady. Tyń joba aýdanda jańa jumys oryndarynyń ashylýymen qatar elimizde «jasyl ekonomıkanyń» damýyna zor úles qosady dep kútilýde.