Astana qalalyq jastar saıasaty máseleleri basqarmasynyń basshysy Asqat Oralov óziniń Facebook-tegi paraqshasynda №25 baǵyttaǵy avtobýstyń kondýktorymen túsken sýretin jarıalady, dep jazady  Qamshy.kz aqparat agenttigi.  Sýrettiń avtobýs ishinde túsirilgeni kórinip tur.

 «Barlyq qalalarda jastar paıdalanatyn kólik túri avtobýs ekeni belgili. Astanada da solaı. Sondyqtan jastar qala ákiminiń bastamasyn tolyq qoldaıdy»,-dep jazdy Asqat Oralov.

Alaıda jeli qoldanýshylarynyń kópshiligi Asqat Oralovtyń atalmysh áreketin qoldasa, endi bireýi kózboıaýshylyqqa balap, Áset Isekeshevtiń aldynda esep berý ǵana dep qabyldap otyr.

Aıta keteıik, Astana ákimi Áset Isekeshev elorda ákimdiginde bolǵan májilisterdiń birinde qala basshylaryna qoǵamdyq kólikpen júrýdi tapsyrǵan bolatyn.

 «Elorda basshylary, qala ákiminen bastap, onyń orynbasarlary, aýdan ákimderi men olardyń orynbasarlary, sondaı-aq basqarma basshylary, uıymdar men mekemelerdiń jetekshileri kúnine eń quryǵanda bir ret qoǵamdyq kólikpen júrýleri kerek»,-dedi qala basshysy.

Aıta ketsek, maýsym aıynyń ortasynda EKSPO-2017 kezinde kólikpen qamtamasyz etý jáne qaladaǵy jol qozǵalysyn uıymdastyrý máseleleri boıynsha ótken jınalysta Astana ákimi qalalyq avtobýstardyń qyzmet kórsetýin  qatań baqylaýǵa alýǵa ýáde bergen edi.