QR Parlamenti Májilisi Qarjy jáne búdjet komıtetiniń múshesi Amanjan Jamalov  suhbatynda devalvasıa bolýy múmkin degen qaýesetterge qatysty pikir bildirdi, dep habarlaıdy Qamshy.kz aqparat agenttigi Tengrinews.kz saıtyna silteme jasap.

"Qazirgi ýaqytta BAQ-tarda Tele Trade Central Asia sarapshylarynyń "jyl sońyna ulttyq valútanyń dollarǵa qatysty baǵamy 420-450 teńge bolady" degen málimdeme keńinen jarıalanyp jatyr. Tele Trade kompanıasynyń sarapshylary "EKSPO aıaqtalady", "bankterge qarjylyq shyǵyndardy óteý kerek" cıaqty negizderge súıenip osyndaı málimdeme jasap otyr. Búginde teńge erkin aınalymda. Oǵan eki negizgi faktor áser etip otyr: 1) munaı baǵasy; 2) rúbldiń dollarǵa qatysty baǵamy", - dep aıtyp ótti depýtat.

Sondaı-aq, májilismen 2017 jyldyń 28 shildesinde AQSH-tyń Reseıge qatysty engizgen sanksıasynan keıin de (1 dollar 60 rúblge teń) ulttyq valútanyń dollarǵa qatysty baǵamy 330 teńge bolatynyn aıtty.

"Osylaısha, teńgeniń dollarǵa qatysty baǵamy jyl sońyna deıin 330-340 teńge shamasynda bolady dep boljaýǵa bolady", - dedi májilismen Amanjan Jamalov.