Astanada ótip jatqan EXPO kórmesi joǵary deńgeıde uıymdastyrylǵan. Bul – Germanıanyń kórme ındýstrıasy qaýymdastyǵynyń basshysy Peter Nevenniń pikiri. Sarapshy elordaǵa jasaǵan jumys saparynan keıin kórmege osyndaı baǵa berdi, dep habarlaıdy Qamshy.kz aqparat agenttigi Habar anarnasyna silteme jasaı otyryp.

Ol osymen 25 jyl qatarynan álemdegi eń iri kórme keshenderin aralap kórgen. Tájirıbeli maman Qazaqstandaǵy EXPO sátti ótip jatqandyǵyn tilge tıek etti. Aıta keteıik, Germanıadaǵy barlyq kórme uıymdastyrýshylaryn biriktirip otyrǵan qaýymdastyqtyń júzjyldyq tarıhy bar. Ol halyqaralyq tájirıbelerdi jınaqtap, reıtıń jasaýmen aınalysady.

«Bizdiń sarapshylar buǵan deıin de kóptegen EHRO kórmesinde bolǵan. Sondyqtan bizdiń salystyrýǵa tájirıbemiz jetkilikti. Men aldymen qabyldap jatqan eldiń ulttyq pavılonyna mán beremin. Shyndyqty moıyndaý kerek, Qazaqstannyń pavılony tańǵalarlyqtaı. Shar tárizdes ǵımarat EHRO-2017 kórmesiniń boıtumaryna aınaldy, ári Astananyń kórikti nysandarynyń biri bolyp qala bermek. Bul – aımaqtaǵy eń aýqymdy kórmelerdiń biri. Onyń qorytyndysyn shyǵarý áli erterek. Biraq Qazaqstan bul múmkindikti sátti paıdalana bildi»,- deıdi Germanıanyń kórme ındýstrıasy qaýymdastyǵynyń basqarýshy dırektory Peter Neven.